Bandièra01 capçalera  1180x150: Novestivada

Actualitats

La nacion occitana representada al Parlament de Catalonha

Se confirma que l’occitanista aranesa Mireia Boya (CUP), una collaboradora de Jornalet, serà deputada al Parlament catalan

| ACN
L’acòrdi de govèrn in extrèmis entre las doas formacions independentistas al Parlament de Catalonha, ièr passat, permetèt ièr l’eleccion del nòu president de la Generalitat, Carles Puigdemont (Amassa per l’Òc, CDC) a la majoritat absoluda. Los 70 vòtes independentistas —fàcia a 63 contra e 2 abstencions— empediguèron la dissolucion del Parlament eissit de las urnas lo 27 de setembre passat e la convocacion automatica d’eleccions anticipadas en març.

Per tant, après la demission anonciada del deputat de la CUP Ramon Usall per de rasons de santat, l’occitanista aranesa Mireia Boya, que foguèt numèro 2 de la lista independentista anticapitalista dins la demarcacion de Lhèida, s’assetarà lèu-lèu al Parlament de Catalonha. I serà una votz de la nacion occitana.


Defendre la nacion occitana en Catalonha
 
Durant la campanha electorala, Boya faguèt d’efièch totas sas intervencions en occitan, sovent davant l’estonament dels jornalistas presents. “Pensi que i deu auer aranesi en aguest procès d’independéncia entà qu’era nacion occitana i sigue representada”, çò diguèt a Jornalet. E mai, Boya precisèt que “se i a aranesi que cren qu’era independéncia ei çò de melhor entà Catalonha e Aran, e tanben entà tota Occitània, cau dar un pas tà deuant damb tot açò des dera esquèrra rompedurista”.

Ja i aviá un deputat aranés al Parlament de Catalonha, e mai se parla pas occitan; se tracta de Javier Rivas de Ciutadans. Mas la preséncia de Mireia Boya assegurarà que se parle en aranés dins la cambra, coma s’es fach dins las doas legislaturas precedentas amb Francés Boya (PSC), deputat entre 1999 e 2010, e Àlex Moga (CDC), entre 2012 e 2015.








Barcelona TV - #aranésoc: Mireia Boya analisa los resultats electorals en Aran
 





 


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ròdrigo Bigòrra
23.

Adixatz Matias eths gascons qu'an causit era nacion Francesa aquerò qu'ei ua evidencia e que'n voi per pròva eth heit qu'eth sentiment nacionalista occitan n'exista pas en Gasconha ,per contra çò qui exista a nosta qu'ei un sentiment d'apartiencia ara cultura Gascona ,mès de tostemps eths Gascons que son sentits Francès .

  • 0
  • 1
Matiàs Marsella
22.

#21
Qu'an agut los gascons la possibilitat de causir?
Quand? Cossí?

  • 2
  • 0
Ròdrigo Bigòrra
21.

Senher Arrasa qu'avetz arrason , eths Gascons en era loa grana majoritat, tà non pas diser enòrme qu'an causit era nacion Francesa .

  • 1
  • 2
Josep Arasa
20.

Aquest és un debat molt interessant, però crec que està contaminat pel jacobinisme francès, que en alguns moments comporta l'assimilació-confusió- entre nació i estat. Una nació és una associació lliure amb un projecte de futur, en cap cas una eina de coacció i sotmetiment. Cada territori, cada cultura, cada història ha de trobar la seva pròpia definició nacional.

  • 3
  • 0
Ròdrigo Bigòrra
19.

JP qu'a arrason en Bigòrra tanben "còia" que's ditz a puix près pertot .

  • 1
  • 0

Escriu un comentari sus aqueste article