Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaArmanhacAstarac

Prumèr salon bilingüe deu libe en Astarac

| Fabricio Cárdenas
“A l’entorn deu libe” qu’ei lo nom per un eveniment culturau que’s debanarà peu prumèr còp a Sheishan (Astarac), dimenge 21 de heurèr.
 
Devath la hala centrau se tenguerà lo salon deus boquinistas, mentre que ras de la hala la mediatèca receberà los autors. Ua escasença entaus legidors costumèrs d’escambiar dab cèrts autors que son uei lo dia referéncias regionaus plan conegudas peu país occitan de Gasconha. Tà ne citar uns: Patrici Caujolle e los sons mistèris de Gers; Rose-Marie Richard de cap a editar lo cincau après los sons prumèrs tres libes pertocant la sua enfança en Gasconha; Chantal Armagnac; Pierre Léoutre; Jean-Louis Lebreton capredactor deu celèbre Canard Gascon.
 
I aurà autors bilingües francés-occitan coma Bertrand Duthil, escrivan d’ua òbra espandida en occitan e de cronicas gasconas bilingüas en la premsa regionau e d’edicions occitanas tau coma Letras d’Òc. Tanplan i aurà Guy Bergès, editor de l’òbra d’Onorat Dambielle, Memòria Gascona, revirada e publicada en version bilingüa après recèrcas de tria dab l’associacion Savés Patrimòni.
 
Serà tanben l’ocasion de trobar publicacions navèras. Ollivier de Lagausie, autor de Gimont e que demòra en region parisenca, nos va auherir duas òbras en francés que l’accion s’i debana en Gers e en avantprumèra La nueit d’Smain, ua istòria contada per ua broisha e que serà presentada au Salon deus Autors a París deu 17 au 20 març 2016.
 
Que i seràn per aquesta prumèra hèita en Astarac un trentenat d’autors de tot ordi, romans policièrs o libes peus mainatges, ficcion o autobiografias, poesia o bendas dessenhadas, obratges en francés o en occitan.
 
 
 
 
Francesa Truflandier



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article