Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Tot prèst en Aran entara Corsa e Caminada des 15 pòbles

Era pròva esportiua, que reivindique es ancians camins dera Val, qu'aurà lòc aguesta dimenjada

Aguesta dimenjada qu'aurà lòc ena Val d'Aran era Corsa e Caminada des 15 pòbles qu'enguan arribe ena sua XVI edicion. Era reivindicacion de recuperar es ancians camins e vies de comunicacion des pòbles dera Val d'Aran b'ei venguda ua pròva esportiua assolidada.


Dimenge que ven se debanarà en petit país occitan, era manifestacion esportiua e ludica, qu'ath delà de reivindicar era recuperacion des ancians camins dera Val, aufrís ua oportunitat unica de gaudir dera Val d'Aran en plen estiu damb nombroses activitats esportiues: caminar, córrer o anar era biciclèta en plea natura. Era corsa que s'agís d'ua mieja maraton damb 1300 mètres de pujada e 1200 de baishada.
 
Es actes, totun, que començaràn dissabte de vrespe en Vielha, damb eth repartiment des dorsaus as participaires, ua charrada tecnica e un aperitiu.
 

Es origines dera espròva esportiua que cau cercar-les enes ans 90, quan un grop de ciutadans aranesi comencèren a  trabalhar entà recuperar es ancians camins que junhien es pòbles dera val. 
 


Dempús des associacions Hècate e Camin Reiau, qu'ei eth collectiu Volentaris d'Aran es qu'organizen er eveniment a compdar d'enguan.
 
Es Volentaris d'Aran que signèren ua convencion de collaboracion damb eth Conselh Generau d'Aran entara organizacion dera Corsa. Er acòrd qu’establís qu’es Volentaris d’Aran e introdusiràn en totes es comunicacions dera Corsa era mèrca ‘Val d’Aran Esséncia des Pirenèus’, era lengua oficiau que serà er aranés e era corsa be serà tostemp restacada as diuèrsi aspèctes deth hèt diferenciau occitan.
 
Se prevé qu'era qu’era participacion d'enguan serà fòrça mès nauta qu’enes darrères edicions, entad aquerò eth Conselh Generau d’Aran qu'a collaborat ena difusion e qu'a balhat sosten econòmic ara organizacion.




Ferriòl Macip


_____
Mès informacions:

- Iñaki Delaurens: Entre arbes, barrancs e sauts d'aigua
- Conselh Generau d'Aran: Era Val d'Aran acuelh era XVI Corsa des 15 pòbles
- Sit web dera Corsa e Caminada des 15 pòbles

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article