Bandièra01 1180x150: Comuna de Tolosa

Actualitats

Òc Tèle prepara una sitcom integralament en lenga occitana

“Òc-veituratge” explica las peripècias d’un viatjaire comercial condemnat al coveituratge per Occitània tota. S’emetrà a partir de la rintrada e se presentarà lo 18 d’agost a Pau

Òc Tèle e Mara Filmes venon de tornar lo primièr episòdi d’una sitcom integralament en lenga occitana entitolada Òc-veituratge. L’istòria explica las peripècias de Miquèu, un viatjaire comercial qu’a perdut son permés de menar e qu’es condemnat al coveituratge per contunhar son trabalh per Occitània tota, ont farà de rescontres susprenents.
 
Òc-veituratge començarà de se difondre sus Òc Tèle a partir de la rintrada que ven, e se presentarà al public lo 18 d’agost que ven a Pau (Bearn) dins l’encastre de Hestiv’òc, çò rapòrtan Sud-Ouest e La République des Pyrénées.
 
Los autors dels tèxtes son lo scenarista Alèxis Quentin, jornalista en lenga d’òc a Radio Pays de París, e lo jornalista bearnés Joan-Nadau Commères de Ràdio País. La direccion del casting e dels actors es assegurada pel peiregòrd Laurent Labadie e la produccion pel bordalés Serge Houot. Lo realizaire tecnic Carl Carniato met en scèna quatre actors: Delphine Lafon, Mario Peperoni, Philippe Neyrat e Yves Durand.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article