Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Cossí reviscolar un papagai?

Una pèça de teatre de Joan-Marc Leclercq se jogarà pel primièr còp a l’Escala de Tornafuèlha aqueste dijòus que ven

Lo Teatre del Platanièr, basat a Tornafuèlha (Gasconha Tolosana), jogarà lo 2 de junh pel primièr còp una creacion dins la sala bèla de l’Escala: Societat de Jòc o Cossí reviscolar un papagai.
 
Los sièis personatges, inspirats dirèctament del jòc de societat lo Cluedo (Dòna Blanca, Damaisèla Escarlata, Dòna Pervenca, Coronèl Mostarda, Professor Pruna, Paire Oliva …) devon menar l’enquèsta eles meteisses en seguida del murtre de l’òste, lo Doctor Negre. Podètz imaginar que tot se debanarà pas tan simplament coma aquò, e d’elements exteriors vendràn destorbar la partida.
 
Signada per Joan-Marc Leclercq, collaborador e opinant de Jornalet, la pèça se vòl un omenatge als famoses Monthy Python per son ambient trufandièr e drin subrerealista.
 
Los dialògs son subretitolats en francés e de tròces musicals originals venon engenhar la scenografia.
 
A l’Escala de Tornafuèlha lo dijòus 2 de junh a 20h30. Entrada 10 èuros.

 
 
 
 
Societat de Jòc
(teatre en occitan subretitolat en francés)
2 de junh 2016 a 20h30
a l’Escala de Tornafuèlha (31170)
Plaça de Roger Panouse
10 èuros
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Julian Blanhac
1.

Òsca pel Teatre del Platanièr que sap prepausar de pèças de qualitat ! Sabon prepausar de causas novèlas e aquò fa sofraita dins lo teatre occitan.

  • 1
  • 0

Escriu un comentari sus aqueste article