Actualitats
Nom de la region centrala: “Occitanie” a ganhat amb un 45% dels vòtes
An votat 203 993 personas. La region a sortit de son mutisme après de nombrosas protèstas
“Occitanie”(Occitània) a ganhat, de longa tòca, lo procès participatiu per causir un nom per la region centrala de nòstre país, fruch de la fusion de Lengadòc-Rosselhon amb Miègjorn-Pirenèus. Lo 45% de las 203 993 personas qu’an votat, an causit aquel nom.
Los autres tres noms que se podián causir, “Languedoc” (Lengadòc), “Occitanie-Pays Catalan” (Occitània-País Catalan), “Pyrénées-Méditérranée” (Pirenèus-Mediterranèa), se situan entre lo 10 e lo 12%.
Los vòtes se son comptabilizats amb lo metòde de Condorcet.
La region voliá pas publicar los resultats fins al 24 de junh, après l’assemblada plenièra de la region qu’avisarà lo govèrn francés del nom qu’aurà causit. Que serà pas forçadament lo qu’an votat lo mond. Mas fin finala, a causa de las protèstas del Partit Occitan, País Nòstre, EELV e d’autres collectius, e gràcias a l’intervencion del membre del Comitat del Nom, Joan-Francés Laffont, la region a sortit de son mutisme.
Se tendrà en compte lo resultat?
Lo nom de la region serà votat pels elegits regionals lo 24 de junh que ven, e es possible que se tenga pas en compte lo resultat de la consultacion.
Segon qualques mèdias, circula la rumor que lo nom preferit pels politicians es Lengadòc-Pirenèus, çò qu’a mobilizat l’occitanisme. Lo Partit Occitan exigís de “democracia” e que lo resultat del vòte se faga public, EELV denóncia un blocatge dels resultats e País Nòstre crida a manifestar lo 24 de junh a Montpelhièr per que se respècte lo resultat del vòte.
La presidenta del Conselh Regional, Carole Delga, a dich, après anonciar los resultats, que caliá trobar una solucion per que los catalans se sentiguèsson pas discriminats dins la region.
Malèsser en Catalonha
De totas las opcions, la sola qu’inclusiá una referéncia a Catalonha èra “Occitanie-Pays Catalan”, mas lo bas pes demografic del territòri catalan dins la region a fach impossible qu’aquela opcion s’impause. “Es una denegacion totala de l’identitat catalana”, çò declarèt l’adjoncha al cònsol de Perpinhan Anabelle Brunet.
#lenomdemaregion tuits
Los autres tres noms que se podián causir, “Languedoc” (Lengadòc), “Occitanie-Pays Catalan” (Occitània-País Catalan), “Pyrénées-Méditérranée” (Pirenèus-Mediterranèa), se situan entre lo 10 e lo 12%.
Los vòtes se son comptabilizats amb lo metòde de Condorcet.
La region voliá pas publicar los resultats fins al 24 de junh, après l’assemblada plenièra de la region qu’avisarà lo govèrn francés del nom qu’aurà causit. Que serà pas forçadament lo qu’an votat lo mond. Mas fin finala, a causa de las protèstas del Partit Occitan, País Nòstre, EELV e d’autres collectius, e gràcias a l’intervencion del membre del Comitat del Nom, Joan-Francés Laffont, la region a sortit de son mutisme.
Se tendrà en compte lo resultat?
Lo nom de la region serà votat pels elegits regionals lo 24 de junh que ven, e es possible que se tenga pas en compte lo resultat de la consultacion.
Segon qualques mèdias, circula la rumor que lo nom preferit pels politicians es Lengadòc-Pirenèus, çò qu’a mobilizat l’occitanisme. Lo Partit Occitan exigís de “democracia” e que lo resultat del vòte se faga public, EELV denóncia un blocatge dels resultats e País Nòstre crida a manifestar lo 24 de junh a Montpelhièr per que se respècte lo resultat del vòte.
La presidenta del Conselh Regional, Carole Delga, a dich, après anonciar los resultats, que caliá trobar una solucion per que los catalans se sentiguèsson pas discriminats dins la region.
Malèsser en Catalonha
De totas las opcions, la sola qu’inclusiá una referéncia a Catalonha èra “Occitanie-Pays Catalan”, mas lo bas pes demografic del territòri catalan dins la region a fach impossible qu’aquela opcion s’impause. “Es una denegacion totala de l’identitat catalana”, çò declarèt l’adjoncha al cònsol de Perpinhan Anabelle Brunet.
#lenomdemaregion tuits
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los jacobins totjorn an saubut de que faire per nos faire tombar mai en debàs !
Davant badalhonavan nòstres grands per que pueschan pas parlar, avora raunhan lo país daus tres quarts en nos faire creire qu'aquò seriá 'na avançada... quò me balha l'enveja de plurar !
#39: En tot cas n'ei pas lo problèma de la mager part deus occitanistes tolosencs...
Après 'quela chausida, coma faire per que nassiguèsse una vertadèira identitat occitana dins las autras regions en fòra d'aquela ? Chaudrá m'esplicar... Aquelh nom será mai un desavantatge que non pas 'na chança per la reconeissença d'Occitània tota... mas crese qu'es pas çò mai important per bèucòp de monde !
los catalans qu'an tot lo dret de se planher contra l'occitanisme, mes los gascons non! Que'ns an tirat lo cor dera nacion gascona mes aquo que va plan!!
#35 " Je trouve dommage que la région (ndlr : e al final, aquèl qu'a lo contarotle total sus la decision es Paris, sustot pas la region coma semblatz o-creire) se réserve le droit de modifier le nom choisi lors de la consultation". E aquo vos estona ? Mas aquo es justament l'essencia mèsma dau jacobinism ! Sètz ninoi o qué ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari