Bandièra01 1180x150: Comuna de Tolosa

Actualitats

Pokémon Go, lo jòc que reüssís

Aquela aplicacion de realitat aumentada a superat los 65 000 usatgièrs de Twitter qualques jorns après son lançament

| Eduardo Woo
Dins qualque temps arribarà en cò nòstre Pokémon Go, la darrièra aplicacion desvolopada per The Pokémon Company, e la societat Nintendo es ara venguda lo fenomèn mai massís dels darrièrs tempses suls rets socials. Al cap de solament una setmana despassa los 65  000 usatgièrs de Twitter. L’enveja de venir lo melhor entraïnaire Pokémon es talament populara que los serveires de Nintendo se son saturats diverses còps.
 
La novetat a revolucionat l’univèrs dels jòcs vidèo, e los jogaires se passejan per carrièras en tot ensajar de caçar de mostres virtuals. La formula magica es la mescla del passat e del futur. An recuperat los centenats de creaturas fantasticas que dins las annadas 1990 capitèron ben demest los usatgièrs de Game Boy, e las an incorporadas a la tecnologia de mòda, çò es la realitat aumentada.

Pokémon Go cèrca de produire la sensacion que lo jogaire fa partida de l’istòria. Los usatgièrs emplegan lor telefòn intelligent —concretament lo GPS e la camèra— per poder caçar de Pokémons dins lo Mond real. Un Pikachu a Central Park o un Squirtle davant lo Capitòli de Washington. Quin espaci que siá de la vila pòt amagar de nòus mostres e lo jogaire se deu entraïnar per far evolucionar aquelas bèstias.
 
  
L’espelida de Pokémon Go es venguda un ponch d’inflexion pels comptes de la societat Nintendo, que sas accions a la borsa de Tòquio son a créisser dempuèi la publicacion del jòc.
 
 
Lo jòc es ara disponible als Estats Units e la Nòva Zelanda e lèu arribarà en cò nòstre. Mentretant mai d'un internauta de pertot an cercat de formulas per esquivar las limitacions e an reüssit de descargar l’aplicacion.
 
 
La polemica
 
L’aparicion d’aquel nòu jòc, que d’un costat es individual e de l’autre es de massa, es pas estada exempta de polemica. Al Reialme Unit, l’Organizacion Estatala per la Prevencion de la Cruseltat envèrs los Enfants (NSPCC) a demandat als autors de l’aplicacion que fagan cèrtas modificacions abans presentar lo jòc al Reialme Unit car an verificat que la caça de certans Pokémons menava los jogaires a de sex shops, o ben que l’aplicacion es estada utilizada per de panaires per menar de mond a d’endreches acantonats e los raubar a man armada.
 
 
Pokémon de gas
 
D’un autre costat, qualques musèus e endreches emblematics an demandat que lo mond jòguen dins lors encenchas. Lo pus important es benlèu lo Musèu de l’Olocaust de Washington, ont dins l’auditòri Helena Rubinstein, en remembre dels assassinats dins las cambras de gas, que i apareguèt justament Pokémon de gas.
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article