Bandièra01 capçalera  1180x150: Novestivada

Actualitats

Evo Morales denóncia una “conspiracion politica” per privatizar las ressorsas naturalas de Bolívia

Lo president condemna l’assassinat del viceministre de l’Interior dins l’encastre de las protèstas dels cooperativistas minièrs

Lo president de Bolívia, Evo Morales, a condemnat l’assassinat del viceministre de l’Interior, Rodolfo Illanes, victima de las protèstas dels cooperativistas minièrs. Segon Morales, aquelas mobilizacions son pas qu’“una conspiracion politica”, e precisa que seguisson pas vertadièrament una revendicacion sociala, segon çò que rapòrta Europa Press.
 
Dins una conferéncia de premsa, en seguida d’una reünion amb sos ministres, Morales a explicat que “lo dialòg èra totjorn present a cada moment” mas que los cooperativistas minièrs volián pas dialogar. Dins aquel sens Morales precisèt que los protestataris demandan de poder signar de contractes amb d’entrepresas privadas e planhèt que i aguèsse mai de dirigents de l'oposicion a protestar que de cooperativistas, que “son estats enganats”.
 
Morales qualifiquèt l’assassinat d’Illanes de “coard” e defendèt que “las ressorsas naturalas son del pòble bolivian, e per tant lo declari eròi de las ressorsas naturalas”. Lo president declarèt tanben tres jorns de dòl oficials, mas sens suspension de las activitats, e afirmèt, net e clar, que “lo pòble bolivian cedirà pas sas ressorsas a d'interèsses privats nacionals e encara mens a d'estrangièrs”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevarra Jr.
4.

E mai foguèssen privatizadas unas ressorças, perqué tornariá pas far, lo Morales,, çò que ja faguèt un còp : mandar l'armada del país, e donc del pòble, per o tarnar nacionalizar d'autoritat, segon la volontat del pòble exprimida en l'elegissent el mantes còps successivament ? Aquò se ditz l'armada de la revolucion, e la revolucion non se complís amb plan que de pimpanèlas…

  • 2
  • 0
francesc palma de mallorca
3.

L'Imperi del Mal aima mai a las mafias criminalas, qu' a los elegits d'esquerra.

  • 1
  • 0
Lucian de Samosate
2.

un cop de mai, l'ordinator m'a jugat un marrit torn e m'a fach lo mandadis quan aviáu pas fenit, completi doncas : mai ne siam pas encara aqui, manca pas de sau ni de sabor que de coperatistas miniers -lo nec plus ultra- aguèsson assassinat un ministre perqué aqueu s'opausava a ço que la mina signèsse de contractes amb d'entrepresas privadas e aquo vau dire qu'aqueles paches èran avantatjos per lei minurs e que l'estat se monstrava raspi e avaràs en li pagant lo mens possible e que voliá ansin remplir la bota dei Danaïdas, lo buget de l'estat

  • 3
  • 26
Lucian de Samosate
1.

infèrn e damnacion ! la Bolivia coma lo Venezuela s'enfonsa inexorablament dins lo collectivisme qu'a fach chic en URSS, en China e de pertot dins lo mond : carestiá, violéncia, ineficacitat, dictatura "bolivariana, a la Chavés, mai daise, siam en America latina e lei parametres son diferents; coma que n'en siegue, coma nos l'ensenha la Corèa dau Nord, lei soletas bonas capitadas dau regime comunistas son la policia e l'armada, mai ne siam pas enca

  • 3
  • 24

Escriu un comentari sus aqueste article