Bandièra01 capçalera  1180x150: Novestivada

Actualitats

Sièis estats sud-americans an boicotat lo discors de Temer a l’ÒNU

Còsta Rica, Eqüator, Nicaragua, Veneçuèla, Bolívia e Cuba quitèron l’assemblada generala per protestar contra l’“impeachment” qu’a destituit Dilma Rousseff

Las delegacions de de Còsta Rica, Eqüator, Nicaragua, Veneçuèla, Bolívia e Cuba quitèron dimars passat l’Assemblada Generala de l’ÒNU pendent lo discors del president de Brasil, Michel Temer, en tot protestar per sa presa del poder après l’“impeachment” de Dilma Rousseff. Demest aqueles païses, Bolívia, Eqüator e Veneçuèla avián ja mostrat lor desacòrdi amb lo procès politic brasilièr en fasent tornar lors ambaissadors.
 
L’agéncia Associated Press confirmèt que s’agissiá d’un boicòt dels sièis païses al discors de Temer. En mai d’aquò, lo govèrn de Còsta Rica diguèt dins un comunicat que met en dobte que lo govèrn actual de Brasil pòsca “donar de leiçons sus de practicas democraticas”. En mai d’aquò, lo representant de Veneçuèla a l’ÒNU declarèt que Temer es un “president illegitim, fruch d’un còp d’estat. Lo reconeissèm pas”.
 
Temer es vengut president de Brasil après que lo Senat votèt la destitucion de la presidenta Dilma Rousseff acusada d’aver contornejat los comptes per amagar lo deficit dins lo budget. Aquel procès Rousseff l’a qualificat d’“impeachment” e qualques jutges brasilièrs de “còp d’estat parlamentari”.
 
Dins son discors a l'ÒNU, lo nòu president de Brasil diguèt que son país aviá donat “l’exemple al Mond” a travèrs d’un procès que rebat “la fortalesa de las institucions jos la susvelhança d'una societat plurala”.
 
Tre que foguèt vengut president de Brasil, Michel Temer anoncièt que sa politica principala seriá la privatizacion de las ressorsas publicas. Totun, sa primièra tòca es estada d’aprovar una proposicion de lei per reformar la constitucion sus los dreches socials. Aital, Brasil es a far una virada devèrs las politicas mai neoliberalas, coma Argentina.

 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan Molin
5.

Tre que foguèt vengut president de Brasil, Michel Temer anoncièt que sa politica principala seriá la privatizacion de las ressorsas publicas. Aquò explica perqué aquesta sièis nacions se son levadas e an quitada la plaça. De propagandassa a l'americana, n'a cap besonh. Mas aquò explica encara melhor per que totes los autres arlèri contunhèron d'escotar aquela propagandassa, la meteissa que nos assucan a nosautres dempuèi al mens 1982. Quant m'auriá agradat de me poder levar e partir amb aqueles sièis…

  • 1
  • 0
ivan
4.

#3 aço es politica i no pas bola de drac.

  • 0
  • 9
francesc palma
3.

Las messorgas, la premsa de destra, las calumnias, la màfia chantatgista, tot val per apoderar-se l'imperi del mal, dels recursos natural e las riquesas del país.

  • 8
  • 0
cercamon
2.

dictatura e fracàs economic, aquo per ara ei l'alternativa e d'autras portas de sortida n'i a ges, o ben lo liberalisme e la prospedritat ;o ben lo collectivisme e la carestiá : lei magasins vueges e lo pople que corron en Colombia per crompar lei produchs de primiera necessitat, de segur, aquo es triste, li a de qué èstre maucorat, l'ideologia tomba dins lo galiàs de morre bordon, mai ei coma aquo e non pot anar diferentament. ço qu'unisse lei dos camps ei la corrupcion, un pauc un pauc mens, mai faudriá '"tachar moïen" -doble gallicisme corrent : faire en sorte que - n'i aguèsse lo mens possible e aquo se pot eventualament ben capitar dins un regime democratic, pas tan ben dins un regime autoritari

  • 1
  • 10
ivan
1.

amb excepció de Costa Rica tots aquests paisos son vassalls de la dictadura cubana i del Foro de São Paulo no tenem cap moral per parlar en democracia. la revolució Cubana a estat la pitjor cosa que ha passat a les ameriques el regim dels Castro ens ha llegat aquests criminals.el lloc de castro morales maduro lula i la resta del bandol es a la presó.

  • 3
  • 21

Escriu un comentari sus aqueste article