Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Pau: se tendrà dissabte una jornada de sosten als sens-papièrs amb lo filme Shens Papèrs

Puèi se realizarà una discussion-debat amb los realizaires del cort metratge musical en occitan e cabil

| Art\'Òc
Se tendrà dissabte que ven a Pau (Bearn), una serada de sosten als sens-papièrs de l’estat francés amb la projeccion de Shens Papèrs, un cort metratge musical de granda qualitat ont se mescla la vida vidanta d’una familha sens papièrs, lo cant e la dança. Puèi se realizarà una discussion-debat amb los realizaires del filme. En mai d’aquò, se projectarà lo filme Aïssa per clavar la jornada.
 
L’eveniment aurà luòc a La Tor deu Borrèu, al numèro 2 de la còsta de la Hont de Pau, dins lo central quartièr del Hedars, segon lo programa seguent:
 
19h00 Acuèlh
19h30 Projeccion de Shens Papèrs
20h00 Discussion amb los realizaires de Shens Papèrs
20h30 Projeccion d’Aïssa
 
Shens Papèrs es un filme rodat a Aush, escrich e realizat per Philippe Espinasse, corealizat per Eva Cassagnet e filmat per Amic Bedel. Compta amb l’ajuda preciosa del CAMOM per l’enregistrament de la cançon. Lo filme es fach gràcias a la còla d’Art’Òc, que definís lo filme coma “tolerància, dobertura a l’autre jos las paraulas justas en occitan e en cabil”, amb lo fons de la musica entestanta e lo pas dels dançaires del rondèl. Un trentenat de dançaires participèron al rodatge del 8 de març passat a Samatan (Savés) per donar vida a un rondèl.
 
Aïssa es un cort metratge del parisenc Clément Tréhin-Lalanne sus l’istòria d’una filha congolesa de 17 ans, que las autoritats creson majora e que l’examina un mètge per que las autoritats determinen s’es expulsabla.




Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Felip Espinasse
2.

A cercamon,

Non vèsi pas nat rapòrt entre lo vòste comentari e lo cort metratge Shens papèrs. Solament la volontat d'un "Troll" d'espandir e d'ecupir lo son amarum.

  • 22
  • 1
cercamon
1.

inviti lei realisators de "shens papèrs" d'anar far un viron dins de pais coma l'Arabia saodita, lo quatar, l'Argeria e de centenas d'autres per vèire coma son aculhits lei "sensa papier" autrament dich lei clandestins, son expulsats manu miltari; solets de pais decadents e suicidaris en trin d'èstre colonizats per l'Islam fan de shèns-papèrs que son venguts aici aprofichar de nostres aqcquits sociaus d'erois e de sants dau sègle XXI. se parlan cabil, ei pas una circonstança atenuanta, encara que vau mielhs que l'arab , lenga dau Coran

  • 7
  • 32

Escriu un comentari sus aqueste article