Bandièra01 capçalera  1180x150: Novestivada

Actualitats

Que pensava Theresa May sul “Brexit” abans d’èsser primièra ministra?

The Guardian a publicat d’enregistraments ont l’actuala primièra ministra parla dels beneficis de demorar dins l’Union Europèa

Dins son primièr discors davant Downing Street, Theresa May, que veniá d'èsser nomenada primièra ministra, o metèt en evidéncia: “Brexit es Brexit”. Aital, ela respondiá a las especulacions qu’òm aviá fachas sul fach que se respectariá o pas lo resultat del referendum sus l’apertenença del Reialme Unit a l’Union Europèa, que los partisans de quitar l’UE avián ganhat per un estrech marge. Alavetz, May confirmèt que seguiriá la volontat dels britanics e encoratgèt los ciutadans e los politicians a far del “Brexit” una reüssida.
 
Mas d’enregistraments publicats dimars passat en exclusivitat per The Guardian revèlan que May èra pas tan partisana del “Brexit” coma o ditz en public, e mai que mai dempuèi que remplacèt David Cameron coma cap del govèrn. Dins una convèrsa a Goldman Sachs, May reconeissiá qu’èra preocupada per una possibla sortida de l’UE. A la banca de Londres, un mes abans del referendum, ela explicava los beneficis economics de l’apertenença al projècte europèu. Parlèt dels avantatges qu’aviá lo Reialme Unit en Euròpa, e esperava que los votants agachèsson lo futur, non pas lo passat.
 

 
En tèrmes economics, May aviá las idèas claras: “Far partida d’un blòc comercial de 500 milions de dolars es important per nosautres. Fòrça mond venon investir al Reialme Unit perque fa partida d’Euròpa”, çò disiá l’actuala primièra ministra als banquièrs de la City de Londres. Tanben a respècte de la seguretat, May èra convencuda que demorar dins l’UE èra una melhor causida pel país: “I a de causas que podèm far coma membres de l’UE que nos balhan mai de segurerat”, çò disiá a Goldman Sachs.
 
Aquelas revelacions contrastan amb lo “sosten tèbi” que May donèt a la campanha pel “remain” (contunhar de far partida de l’UE). Lo quotidian britanic explica que pendent la campanha May se mantenguèt al marge dels arguments favorables al mantenement dins l’Union Euròpa e volguèt pas participar a divèrses actes per defendre que lo Reialme Unit restèsse dins l’Union. Tanlèu primièra ministra, coma consequéncia de la demission de David Cameron, May a defendut fermament un “Brexit dur”.



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Melhor totsols qu' acompanhat per la màfia dels banquers especuladors.

  • 1
  • 0
lachaud
1.

Autre còp los paisans comptavan lors milions. Uei, avem pas cambiat de mentalitats. Los governans comptan lòrs 500 milions de dolars
çò qu'a cambiat quò es que lo dolar vaudra pus ren mesme pas una còa de cereisa. Los escambias internacionaus se fan emben daus robles o de la monada de China que son basadas aura sus l'aur e non pus sus lo dolar..

  • 4
  • 0

Escriu un comentari sus aqueste article