Actualitats
Lo govèrn bolivian a decretat l’urgéncia nacionala per la manca d’aiga
La tòca del Decret 2987 es d’atenuar “la secada e lo deficit idric en diferentas regions provocada pels fenomèns climatics”
Lo govèrn de Bolívia decretèt diluns passat “l'urgéncia nacionala” per afrontar la secada e la manca d'aiga que patís lo país, amb la tòca que las autoritats pòscan mobilizar mai de resorsas per satisfar los besonhs.
Lo president bolivian, Evo Morales, expliquèt que la tòca del Decret 2987 es d’atenuar “la secada e lo deficit idric en diferentas regions provocada pels fenomèns climatics”. Morales soslinhèt que 2016 es l’an mai caud del darrièr sègle.
Lo govèrn a constituit una seguida de programas per respondre als besonhs, sustot dins los quartièrs de La Paz, çò rapòrta l’agéncia ABI. Las autoritats repartiràn de cistèrnas e de sèrvas e ensajaràn de cercar de nòvas fonts, per exemple mejançant la perforacion.
Morales se fisa del fach qu’aquela “urgéncia” poirà venir una “escasença” per aumentar los investiments, e a demandat a l'encòp de “racionar” l’aiga. “Totes devèm aprene d’aquela situacion, quina que siá la plaça qu’ocupem”, çò a escrich lo president sus Twitter, qu'a acompanhat sos messatges amb l’etiqueta “#CuidemosElAgua” (prengam suènh de l’aiga).
Lo president bolivian, Evo Morales, expliquèt que la tòca del Decret 2987 es d’atenuar “la secada e lo deficit idric en diferentas regions provocada pels fenomèns climatics”. Morales soslinhèt que 2016 es l’an mai caud del darrièr sègle.
Lo govèrn a constituit una seguida de programas per respondre als besonhs, sustot dins los quartièrs de La Paz, çò rapòrta l’agéncia ABI. Las autoritats repartiràn de cistèrnas e de sèrvas e ensajaràn de cercar de nòvas fonts, per exemple mejançant la perforacion.
Morales se fisa del fach qu’aquela “urgéncia” poirà venir una “escasença” per aumentar los investiments, e a demandat a l'encòp de “racionar” l’aiga. “Totes devèm aprene d’aquela situacion, quina que siá la plaça qu’ocupem”, çò a escrich lo president sus Twitter, qu'a acompanhat sos messatges amb l’etiqueta “#CuidemosElAgua” (prengam suènh de l’aiga).
Presidente @evoespueblo decreta situación de emergencia nacional por la sequía que padece Bolivia #CuidemosElAguapic.twitter.com/FQl9d2FWoL
— Katu Arkonada (@KatuArkonada) 21 de novembre de 2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal cercar sistemas per defensar-se de la sequera e saber coma estalviar l'aiga. Per exemple hi ha piscines a torres particulars que tenen pas sistemas de neteja d'aiga, camps de golf qu' es regan amb aiga potabla, las depuradoras d'aiga estalvian molt.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari