Bandièra01 1180x150: Comuna de Tolosa

Actualitats

Eleccion presidenciala francesa: sièis candidats fan uèi una crida contra contra “lo verrolh antidemocratic dels grands partits”

Actualament dins l’estat francés tot candidat a l’eleccion presidenciala deu presentar 500 signaturas de cònsols màgers, de conselhièrs departamentals o regionals, o de parlamentaris en provenença de tot l’estat

Los candidats Alexandre Jardin, Pierre Larrouturou, Charlotte Marchandise-Franquet, Philippe Poutou, Oscar Temaru e Christian Troadec presentan a 11h, a la la Villa Modigliani (13, rue Delambre de París), lors revendicacions
Los candidats Alexandre Jardin, Pierre Larrouturou, Charlotte Marchandise-Franquet, Philippe Poutou, Oscar Temaru e Christian Troadec presentan a 11h, a la la Villa Modigliani (13, rue Delambre de París), lors revendicacions
Sièis candidats a la presidenciala francesa fan una crida contra “lo verrolh antidemocratic dels grands partits”, e fan uèi a París una conferéncia de premsa per una vertadièra pluralitat de las candidaturas a l’eleccion. Los candidats Alexandre Jardin, Pierre Larrouturou, Charlotte Marchandise-Franquet, Philippe Poutou, Oscar Temaru e Christian Troadec presentan a 11h, a la la Villa Modigliani (13, rue Delambre de París), lors revendicacions.
 
“Davant l’androna dins la quala los govèrns successius an menat nòstre país, es urgent uèi de prepausar per l’eleccion presidenciala una veraia diversitat de candidaturas”, çò dison. A mai, “nòstras candidaturas a l’eleccion presidenciala auràn especialament per consequéncia dirècta de far recular l’abstencion ansin coma lo resultat del Front Nacional”, çò precisan.
 
Actualament dins l’estat francés tot candidat a l’eleccion presidenciala deu presentar 500 signaturas de cònsols màgers, de conselhièrs departamentals o regionals, o de parlamentaris en provenença de tot l’estat. Es precisament a causa d’aquela règla que la candidatura de Robèrt Lafont capitèt mal en 1974
 
Justament, aqueles sièis candidats denóncian qu’“es vengut quasi impossible de portar una candidatura fòra los grands partits” e apondon que “la pression suls cònsols màgers es tala que pòdon pas acordar lor pairinatge liurament en rason de las retombadas negativas que poirián subir”.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr.
4.

Ieu fau una crida contrea lo verrolh antidemocratic que constituïsson los tractats europèus empachant per principi tota politica alternativa a esquèrra vertadièra, acaminant los ciutadans d'Euròpa cap la misèira, a la precaritat, a l'exclusion sociala o a la somission servila a d'entreprenèires totipotents en l'absécina de tot dreit del trabalh (amirada a l'asuèlh de tota las politicas autorisadas a l'endintre d'Euròpa).

  • 0
  • 0
francesc palma
3.

Cal far a França un partit coma Podem, que amassi a l'esquerra, als progressistas, al nacionalisme pas de l'Estat. Possiblement que lo PS francès voldria formar part d'aquesta coaliccion de partits progressistas,mas potser oc.

  • 2
  • 0
Sant-Gomer,ministre dau rei Peipin
2.

per lei gents joines que sabon lo secret, mai que sabon pas ço que s'ei passat eisatament a l'eleccion presidenciala de 1974,que faliá soncament 100 pairinatges, ieu qu'èri consol mager de ma pîchota comuna, aviáu donat ma votz à Robèrt Lafont e aviáu sachut persuadir quatre de mei colègas provençaus de faire parier. Robèrt Lafont dispausava doncas de 104 votz, mai lo consèu constitucionau n'invalidèt cinc "maires"qu'avián pairinat dos candidats 104-5= 99 e non se poguèt presentar. ço que foguèt pas lo cas dau professor Hèraud, candidat federalista que eu se poguèt presentar amb 110 parainatges. entandaumens obtenguèt un nombre de votz risible, que la republica èra pa'ncara madura per lo federalisme

  • 2
  • 0
Gaby Balloux
1.

Òc, tròbi que lo solar de 500 signaturas es prampó (e quitament tròp) elevat. Mès los que denoncian aquò son de candidats que vòlen damorar marginaus e qu'angueràn pas pus lunh que lo prumèir torn. Aquò m'ahurbís de véser qu'i a totjorn pas d'aligança entre FDG-NPA-LO, o me damandi perqué Nouvelle Donne rejunh pas EELV.

  • 2
  • 0

Escriu un comentari sus aqueste article