Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'AranQuate Lòcs

Les es la primièra comuna aranesa que sosten lo referendum independentista

Lo conselh municipal a aprovat una mocion prepausada per Corròp, quitament amb los vòtes dels socialistas

| M. Martin Vicente
La vila aranesa de Les (Quate Lòcs) aprovèt diluns passat una mocion de sosten al referendum d’independéncia de Catalonha e Aran del 1r d’octòbre que ven. Lo tèxt lo presentèt Corròp per Aran, e foguèt aprovat gràcias als vòtes de sos dos conselhièrs municipals, del conselhièr del PDECat e dels tres d’Unitat d’Aran, la formacion socialista dirigida per Paco Boya, qu’ara es un nòu membre del conselh directiu del PSÒE.
 
 
Paco Boya es contra lo “referendum unilateral al marge de la legalitat”
 
Paco Boya, que poguèt pas assistir a la sesilha, es convencut que Les serà la sola municipalitat aranesa que sosten lo referendum, pr’amor que lo cònsol màger de Les, Emílio Medan, es lo sol elegit d’Unitat d’Aran en favor d’aquel vòte, que Boya qualifica de “referendum unilateral al marge de la legalitat”, çò rapòrta l’ACN. Dins aquel sens, Boya afirma que s’i foguèsse anat auriá votat contra, mas se trobava aquel jorn al congrès federal del PSÒE.
 
Pendent la sesilha, Emílio Medan justifiquèt lo sosten al referendum perque representa l’80% del Parlament. De fach, Medan a manifestat plusors còps son desacòrdi amb lo partit socialista envèrs lo drech d’autodeterminacion. Mas segon Boya, Medan es “la sola persona que pensa atal dins lo partit”.
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

artur quintana i font La Codonyera (Aragón)
3.

En lo PSOE (UAran) i a de tot, aquò es verai, mais os boyos comandan quasi sempre, valent a dire: Espanha.

  • 2
  • 0
Laval Joan-Pèire Narbona
2.

Osca per la causida del conselh municipal de Les . Viva lo referendum e lo drech a l'autodeterminacion de Catalonha .
Movement Occitan Pais Nostre .

  • 14
  • 0
RATAPENADA
1.

Aquel PSOE (Unitat d'Aran en Aran) es coma lo PS francés i a de tot !
òsca e coratge al sénher Medan !

  • 11
  • 0

Escriu un comentari sus aqueste article