Bandièra01 capçalera  1180x150: Novestivada

Actualitats

L’estat espanhòl contra un petit setmanièr per aver collaborat amb lo referendum de Catalonha e Aran

Los ciutadans de Valls an protestat davant los agents, qu’an perquisicionat la redaccion de la revista El Vallenc en menant son cap-redactor al comissariat

| Elisabeth Magre
D’agents de la Gàrdia Civila intrèron dissabte passat dins la redaccion del El Vallenc, un setmanièr local de la vila de Valls (Catalonha). Lo director foguèt menat al comissariat, acusat de collaborar amb lo referendum d’independéncia de Catalonha e Aran, previst pel 1r d’octòbre venent, que l’estat espanhòl a declarat illegal e ensaja d’empedir.
 
L’accion dels policièrs provoquèt una granda responsa dels ciutadans (fòtos). Drechas davant los policièrs, mai d’un centenat de personas, que mostravan de bulletins de vòte, balhèron de girofladas als agents e lor cantèron “Ont son los bulletins de vòte?” e  “Adieu-siatz” quand partiguèron.
 
Lo Collègi dels Jornalistas de Catalonha a condemnat l’accion policièra.
 
 


Perquisionavan los salariats d’una estampariá

Dimècres passat de ser, doas veituras de la Gàrdia Civila s’installèron davant una estampariá de la vila de Constantí, près de Tarragona (Catalonha). Aquí los agents escorcolhèron las personas qu’intravan e sortissián de l’usina. La rason n’es que sospechavan qu’aquí s’estampava los bulletins de vòte pel referendum.
 
Dijòus de matin, qualques militants de la CUP anèron vesitar los agents en lor liurar qualques bulletins de vòte, falses mas semblables als que los elegeires emplegaràn lo 1r d’octòbre que ven. “S’agís d’una accion simbolica”, çò diguèron. Puèi publiquèron d’imatges de l’accion sus Twitter en disent: “Lor fa pas mestièr de cercar dins d’estampariás e de compelir los emplegats! Ara pòdon partir”.
 
 
 
Qualques instants abans, aqueles militants anèron a la delegacion del govèrn espanhòl a Tarragona per manifestar lor sosten al referendum e lor oposicion a las perquisicions de la Gàrdia Civila. Portavan una reproduccion giganta del document de vòte que s’emplegarà lo 1r d’octòbre.
 
 
 
Enfin, divendres passat, la Gàrdia Civila obtenguèt la permission judiciària per far una perquisicion. I passèron tres oras en partissent amb una caissa voida, segon çò qu’a explicat a TV3 l’avocat de l’estampariá. E dissabte s'emportèron dos saquetons de papièrs.




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Passi-ho bé,
Passi-ho bé.
Passi-ho bé
I fins un altre

Passiu bé
Passiu-bé
Passiu bé i fins l'any que vé.

Amb aquesta animada cançon de La Trinca, davant lo petit setmanier El Vallenc la gent acomiadet a la Guardia Civila quan se m'anet sense trobar res.

  • 9
  • 0
Lafontan
2.

Vergonha ! Anèm a Catalunya lo 11 de setembre e/o lo 1 d'octobre en solidaritat totala !

  • 15
  • 0
Pirolet
1.

Coma al "bon temps" del general Franco.

  • 24
  • 0

Escriu un comentari sus aqueste article