Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

La Val d’Aran se mobiliza contra l’article 155

La comuna de Les e la comunautat educativa aranesa an manifestat contra la mesura d’excepcion prepausada per l’executiu espanhòl contra Catalonha e Aran

| Àlex Moga
La Val d’Aran se bolega contra l’article 155, una mesura anonciada pel govèrn espanhòl que sa tòca es de prene lo contraròtle del govèrn de Catalonha, dels mèdias e de las escòlas.  Après lo comunicat de Convergéncia Aranesa e de l’Institut d’Estudis Araneses, Acadèmia Aranesa de la Lenga Occitana, ara es vengut a la comuna de Les e al mitan educatiu del país occitan.
 
La comuna de Les aprovèt ièr dins una sesilha extraordinària una mocion contra l’aplicacion del dich article 155 que tanben condemna l’encarceracion per “sedicion” de Jordi Cuixart e Jordi Sànchez, presidents de las associacions independentistas.
 
D’autre caire, la comunautat educativa aranesa a seguit los acamps de protèsta que se son faches en Catalonha tota. Escolans e professors araneses manifestèron ièr a Vielha per defendre lo modèl educatiu de Catalonha e Aran, ont l’immersion lingüistica en occitan en Aran (e en catalan en Catalonha) agrada pas al nacionalisme espanhòl que fa de temps que lo critica e vòl anullar en pretendent que “s’endoctrina” los escolans.
 
Ansin los escolans araneses portavan de bandeiròlas que disián: “Endoctrinam en cultura occitana, patz, pensament critic, dignitat, egalitat de genre....”
 










abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

cesc guer tarragona
3.

combocar eleccións ?: seria traicionar el mes de dos miions de ciutadans que van votar ¨si ¨a la independencia. eleccions autonamiques serian la trampa per desfer els ans de lluita per la llibertat de catalonha.

  • 5
  • 1
serra
2.

#1 20 h rectificacion : lo President foguèt coratjòs e a descartat las eleccions . Mercés a el.
Al parlament de declarar l'independéncia !

  • 4
  • 0
serra
1.

26/10 14 h : se Puigdemont manten la sia posicion, aurem lo 155 e cap declaracion unilateral d'independéncia !
"Al fossar de les moreres ni s'i enterra cap traîdor"

  • 0
  • 4

Escriu un comentari sus aqueste article