CAPÇALERA OPLO

Actualitats

Catalonha atenh la vicepresidéncia del Ret Europèu per la Promocion de la Diversitat Lingüistica

Yvonne Griley, directritz generala de la Politica Lingüistica del Departament de la Cultura, a la Generalitat de Catalonha, es estada causida per unanimitat coma vicepresidenta del Ret Europèu per la Promocion de la Diversitat Lingüistica
Yvonne Griley, directritz generala de la Politica Lingüistica del Departament de la Cultura, a la Generalitat de Catalonha, es estada causida per unanimitat coma vicepresidenta del Ret Europèu per la Promocion de la Diversitat Lingüistica | Dia Mundial de la Poesia

Yvonne Griley, directritz generala de la Politica Lingüistica del Departament de la Cultura, a la Generalitat de Catalonha, es estada causida per unanimitat coma vicepresidenta del Ret Europèu per la Promocion de la Diversitat Lingüistica (NPLD segon sas siglas en anglés): i representarà la Generalitat de Catalonha.


S’agís del primièr còp qu’un representant catalan a una carga dins aquel ret. La designacion se produsiguèt lo 4 d’octòbre passat pendent la celebracion de l’assemblada generala de l’NPDL a Corti (Corsega). La presidéncia de l’NPLD, es  Jannewietske de Vries que l’exercirà en aquel nòu mandat; es lo representant del Govèrn Regional de Frisa.
 
Griley remarquèt que “d’aquela faiçon, la Generalitat referma son engatjament per la defensa de la pluralitat lingüistica europèa e l’adeqüata reconeissença que cal de la part de las institucions europèas”; e mai soslinhèt que “Catalonha a totjorn volgut aportar a Euròpa las valors del respècte e la defensa de la diversitat, e ara o podèm far amb mai d’intensitat dempuèi la vicepresidéncia de l’NPLD”.
 
L’NPLD se creèt en 2007 amb la tòca d’influir sus las politicas lingüisticas de l’Union Europèa, tocant la reconeissença de las lengas regionalas e minorizadas e la gestion de la diversitat lingüistica dins l’encastre d’Euròpa. Catalonha i aderiguèt coma membre de plen drech en 2009.
 
Lo ret compta amb la participacion de qualques govèrns estatals de l’Union Europèa, de govèrns autonòms, d’associacions e d’entitats culturalas que trabalhan en la promocion de la pluralitat lingüistica, d’universitats e de centres de recèrca. A l’ora d’ara, i son representadas 16 lengas europèas: occitan, catalan, escocés, irlandés, basco, galèc, cornic, breton, frison, galés, estonian, finés, suedés, lituan, còrs e lapon.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: Comuna de Tolosa

Comentaris

Sigisbèrt IV Tolosa
2.

#1 una Tèrra de Paratge representada dins sa dignitat culturala per una Dòna ! E òc, mon car Jacme, es coma dins Martix : "I a causas que lèu o tard, sempre càmbian, e d'autras que jamai non càmbian pas" ! Catalonha ? La granda classa…

  • 2
  • 0
Jacme Tolosa (Lengadòc E Gasconha)
1.

Son pertot aquestes Catalans !
Jà entendi mantunes occitanistas renegar l'interès d'aiçò ; per oposicion, me feliciti de l'engatjament internacional de Catalonha (Principat), aquò prepara l'independéncia de Catalonha (Principat) en nom de totes los Païses Catalans, ... e d'Occitània perqué avèm gaire los mejans d'èstre plan representats !
Visca Occitània, Òsca Catalonha e DIGNITATS.

  • 7
  • 0

Escriu un comentari sus aqueste article