Bandièra01 capçalera  1180x150: Novestivada

Actualitats

L’InÒc ven de presentar la campanha “Bona Annada 2018!”

S’agís de rendre de mai en mai presenta la lenga dins lo païsatge lingüistic amb lo messatge calorós de la “bona annada” adreiçat al public general

L’InÒc Aquitània ven de presentar la campanha de vòts d’ongan “Bona Annada 2018!”. Coma cada an, se tracta d’afichar la lenga occitana amb lo messatge calorós de la “bona annada” adreiçat al public general, que conescan la lenga o pas, e e de la far venir presenta dins la vida vidanta del país.
 
Se comencèt de distribuir las afichas lo 26 de decembre e aquestas son disposadas entrò fin de genièr. S’agís d’afichas en 4 formats, lo grand (120x175cm) pels abrics de bus o supòrts municipals, mejan (60x80cm) per qualques collectivitats que o an demandat, e pichon (A3) per d’autobuses e partenaris institucionals e associatius. En mai d’aquò an publicat tanben de cartas postalas.
 
Ongan, la campanha prend una novèla partença amb un visual mai grafic, que l’InÒc definís coma una reflexion entre creacion grafica e identitat, via lo ligam entre la lenga e la cultura occitanas.
 
Aquela campanha existís dempuèi 2003 e cada an ten mai de partenaris, çò que la fa grandir, e rend de mai en mai presenta la lenga dins lo païsatge lingüistic d’Occitània. A l’ora d’ara la campanha la sostenon lo CIRDÒC, l’ÒPLO, los conselhs departamentals dels Pirenèus Atlantics e Nauts Pirenèus e tanben las regions qu’an pres lo nom d’Occitània e de Nòva Aquitània.
 
 

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Thomas Tolosa
3.

#1 Un pauc pretenciós de criticar lo grafisme d'una aficha ...

... per prepausar en plaça una merda facha amp Paint, a la fug-l'òbra, e subretot sens talent, que degun la voldriá pas afichar dins son comèrci, recebre per la pòsta, o quitament per mail.

Non ?

  • 2
  • 2
Maxime Tolosa
2.

Pro ambisiós aquò !


o pas.

  • 0
  • 0
Oksitanlaştıramadıklarımızdanmısınız Çatal Höyük
1.

Plan mal atrencada aquela aficha !

1 cal cassar oer legir lo messatge
2 lo quite 2018 te peta brica al morre
3 Messatge vuèg d’aqui que restaca pas a un sit web d’entresenhas en 2018 es pas cocanha !
4 un punhet d’argent depensat per a de ren !
5 se fa quicòm mas se vòl pas far vèire !

http://hpics.li/fe38125

o podetz totjorn mandar ambe l'esmarfon



  • 3
  • 1

Escriu un comentari sus aqueste article