Bandièra01 capçalera  1180x150: Novestivada

Actualitats

L'InÒc e lo CIRDÒC fusionaràn ongan

Amb lor fusion, tocaràn doas regions administrativas fòrça grandas, que mesuran gaireben la mitat d'Occitània, e los projèctes per la lenga e la cultura occitanas se faràn amb lo doble de fòrça e de vam

| Lo CIRDÒC
L'Institut Occitan (InÒc) fusionarà amb lo Centre Interregional de Desvolopament de l'Occitan (CIRDÒC) a la fin del primièr semestre d'ongan. Atal o anoncièt divendres passat Joan Breç Brana, cap del pòl Lenga e Societat de l'InÒc durant la presentacion de la campanha "Bona Annada 2018".
 
Los dos organismes documentan e valorizan lo patrimòni cultural e immaterial a travèrs de la lenga del país, conselhan las collectivitats sus la recuperacion de la lenga dins la toponimia e d'autres domenis, desvolopan de fonzes de documentacion, publican, etc. Ara, amb lor fusion, tocaràn doas regions administrativas fòrça grandas, que mesuran gaireben la mitat d'Occitània, e los projèctes en favor de la lenga e la cultura occitana se faràn amb lo doble de fòrça e de vam.
 
Ensems, l'InÒC e lo CIRDÒC tenon una quinzena de salariats. Lo sèti social del nòu organisme serà a Besièrs del temps que los mejans operacionals seràn a Vilhèra, çò rapòrta Sud-Ouest.

 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu País cevenòu
4.

Bòna causa ? Benlèu, non sai. Siái mau plaçat per o dire, ieu que me siái levat de bien d'associacions militantas e qu'ai pas jamai obrat per d'estructuras d'aquela mena. Faudriá n'esplicar lo ben d'aquela desmarcha, per que lo public militant comprengue. Se bòna causa aquò z-es... tant mièlhs.
Sol daumatge, per ieu : la dinamica occitana es virada, un còp mai, vèrs lo ponent, vèrs l'Occitania occidentala. L'Occitania orientala e, encara mai, l'Occitania septentrionala son absentas.

  • 3
  • 0
Reinat NIÇA
3.

Una boana nòva aquela fusion. Seria d'ora qu'aquel exemple estaguesse seguit per d'autres; li a tròup d'organismes en Occitània qu'obréjon caduns dins lo sieu recanton.
Viva !

  • 3
  • 1
Jean-Charles Valadier Tolosa
2.

Per los que s'interesson a la politica concrèta, es una bona novèla. Ara cal negociar mai de mejans. E subretot cal batalhar per i integrar lo Conservatòri Occitan de Tolosa que foguèt raubat als militants occitans. Es una batalha politica essenciala.

  • 4
  • 0
ouxità
1.

Perqué?

  • 4
  • 0

Escriu un comentari sus aqueste article