Bandièra01 1180x150: País Invisible

Actualitats

crotz-tolosaCreated with Sketch.GasconhaArmanhac

Lo conselh departamentau de Gèrs que vien de lançar lo son prumèr Budget Participatiu

Lo principi qu’ei d’amassar lo mei gran nombre d’ideas navèras que sian hasederas

Iniciativa, dab ua innovacion en Gèrs. En efèit, lo conselh departamentau que vien de lançar lo son prumèr Budget Participatiu. Que vòu díser? Tot simplament en 2018, que poderatz perpausar e tanben causir, com ac hèn los conselhèrs departamentaus, los projèctes qui’vs semblan los mei utils per la collectivitat. Un còp votats, que seràn alavetz portats financèrament peu conselh. Aqueth prumèr budget 2018 que serà d’un milion d’èuros totun.
 
Benlèu ua faiçon per la populacion de’s pedaçar dab la vita politica, qu’ei en tot cas l’avís deu president deu conselh departamentau, Philippe Martin, mes benlèu tanben qu’ei l’avoada d’ua cèrta manca d’innovacion e d’idèas navèras deu costat deus elejuts, a cadun son espiar.
 
Se lo principi qu’ei d’amassar lo mei gran nombre d’idèas navèras, que cau totun que sian hasederas, las idèas, autant au nivèu tecnic com juridic o economic. Nat besonh donc de demandar lo mantién de l’escòla au vilatge o l’installacion d’un mètge se demoratz a la campanha, n’ac haràn pas.
 
Totun, que poderatz perpausar projèctes novators au nivèu de l’environament, deu desvolopament locau e solidari, deu numeric, de l’espòrt, deu transpòrt o enqüèra de la cultura e deu patrimòni.
 
Tot los usatgèrs gersés que pòden participar (solets o en associacion) dinc au 30 junh, sia sus Internet www.budgetparticipatif.gers.fr o alavetz dab la caisha dedicada qui serà installada en cada mairia; los vòtes que’s debanaràn au mes d’octobre. Mentretant, que’s tieneràn hèra amassadas drin pertot dens lo departament entà ahiscar lo monde e balhà’us enveja de participar.
 
Per çò qui ei de la cultura nosta, aqueth Budget Participatiu que serà ua bèra escadença de’n pagerar la vitalitat, luenh de las chifras e analisis bon mercat qui la botan a còps au centre de las preocupacions de la populacion.
 
Alavetz, probable las idèas que van shisclar de pertot entà ahortir la preséncia de la lenga nosta, e los ahuecats de gascon o d’occitan que van conhir las caishas d’idèas en cada comuna... Benlèu quitament quauques uas que poderàn anar dinc au cap e trobar un finançament departamentau. Un saunei peu moment, mes en tot esperar los vòtes deu mes d’octobre, amics de Gèrs, hètz-v’i hòrt!
 
 
 
 
Ràdio País
 
 
 

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
2.


#1 E se se passèjan per la vila mondina, encara mièlhs!

  • 3
  • 0
Mèfi ! 31
1.

Co-veituratge en occitan end'anar trebalhar a Tolosa, per exemple, e prèner d'ancians que se se passejaràn a la vila ròsa...

  • 4
  • 0

Escriu un comentari sus aqueste article