Bandièra01 capçalera  1180x150: Novestivada

Actualitats

crotz-tolosaCreated with Sketch.GuianaRoergueSegalar Roergat

Universitat d’estiu de la Guépia 2018

Coma cada annada dempuèi ara 18 ans, l’associacion Lenga Viva perpausa au còr de l’estiu, entre lo 23 e lo 27 de julhet, son universitat a l’entorn de la cultura occitana.


Nisat au ras deu juntèr de Viaur e d’Avairon, la pichona ciutat perpausa un programa de conferéncias, obradors de lenga, de dança o de cants, de concèrts e d’encontres. De notar a l’aficha artistica ongan forra-borra, ende vos botar l’aiga aus pòts: Lo Jaç, Duo Artense, Laurent Cavalié, Mauresca Fraca Dub e La Dame Blanche.

 

Peus mès serioses, las conferéncias portaràn sus: l’operacion de collectatge Al Canton, la politica en mestièr de lengas de França, l’art deu hontanhèr (aqueth que cèrca las honts damb sa margaisha) e los rapòrts entre Frederic Mistral e Theodore Roosevelt peu son arrèr-arrèr hilh, Richard Williams.

 

Cada matin se tenguerà un cors de lenga damb tres nivèus diferents.

 

Los dròlles seràn pas doblidats damb corses d’attrapes (desfís ritmic entre cantaires) per Aurélie Neuville (de las Bombas 2 Bal).

 

Vos poderatz tanben iniciar aus instruments de balèti forrô e deu côca (Brasil), au cant, a la borrèia e au vriulon.

 

Lo dimècres e lo divendres es organizat un “banh ritmic” suu pic de miejanueit.

 

Mes tot aquò seré pas ren sens los encontres e las longas charradissas “a l’estanquet, au restaurant e sus la plaja” (com ac ditz lo Claudi Sicre) que mancaràn pas de marcar, un còp de mès ongan aquesta universitat estivenca.

 

Mès d’entresenhas sus: http://lengaviva.com

 

 

 

 

Joan-Marc Leclercq
 
 




abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article