Bandièra01 capçalera  1180x150: Novestivada

Actualitats

Sud-Africa a mes en circulacion de bilhets amb l’efígia de Mandela

La Resèrva Bancària de Sud-Africa vòl rendre omenatge al primièr president elegit democraticament

Lo bilhet de rand (moneda sud-africana) amb l’efígia de Nelson Mandela intrèt ièr en circulacion en Sud-Africa. Lo nòu bilhet conten un dessenh que representa l’èx-president sud-african e activista antiapartheid sus una fàcia e, sus l’autra, los “cinc grands”: l’elefant, lo leon, lo bufle, lo rinocèros e lo laupard, cinc animals qu’es fòrça malaisit qu’un sol individú los pòsca caçar.
 
Lo bilhet, lançat per la Resèrva Bancària de Sud-Africa (SARB), vòl èsser un omenatge a Mandela per tot çò qu’a capitat long de sa vida. “La Resèrva Bancària es fièra de poder onorar aital una icòna de la lucha de Sud-Africa e lo primièr president elegit democraticament”, çò diguèt lo governador, Gill Marcus.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Per malastre, dempuèi Madiba, los presidents de Sudàfrica son pas a la nautor de la situacion. Entre lo Tambò M'Beki que se fisaba d'una ministra de la santat que contaba sus los tisanaires per luchar contra lo Sidà, que se descolhonèt quand foguèt necite parlar clar amb lo Mugabe, lo tiranàs del Zimbabwe, et lo corromput del Jacob Zuma, l'avenidor del país quequèja. Mentre, los menaires morisson per desenas...

  • 0
  • 0

Escriu un comentari sus aqueste article