Bandièra01 1180x150: Comuna de Tolosa

Opinion

Lo càncer

Andriu de Gavaudan

Andriu de Gavaudan

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

Mai d’informacions
Es un mot a la mòda benlèu e M. de la Fontaine escriviá, el: “la pesta perque la cal sonar aital”…
 
Se parlava pas de càncer a son epòca mas empachava pas los malastres de trucar urbi et òrbi e los Òmes de sofrir… e morir!
 
Los que coneisson un pauc los Estatsunidencs sabon que sos governaires, que sián republicans o democratas, son capables d’anar dinc als infèrns quand un Estasunidenc es atacat o tuat. E la pena e las paraulas de lor president èran pas destinadas —benlèu un pauc ça que la!— als ciutadans dels Estats Units après lo chaple de Kabol (Afganistan).
 
Biden s’èra plan jurat de defugir tota situacion que poiriá far pensar que seguissiá la politica del rodomont messorguièr e de sos zelòts republicans que contunhan un an après lor desfacha a promòure lo reialme de las novèlas falsas —las “fake news”— e l’asirança del camp opausat al nom de lors interèsses personals relaiats que son per las rets socialas, las ràdios e las canals de television tròp contentas d’excitar los esperits creduls.
 
Los Europèus que critican Biden i deurián agachar a dos còps per çò qu’aquel president ven d’eiretar una situacion confusa autan al nivèl local qu’al nivèl internacional. E totòm sap qu’una bèstia ferida pòt aver un comportament erratic.
 
Vint ans d’intervencion en Afganistan per se trobar al punt de partença e quitament dins una situacion pièger es ja pro dificil a engolir mas la realitat es aquí que crèba los uèlhs.
 
Sembla una evidéncia de dire que la vision “occidentala” del mond es pas la vision “orientala”. Las nacions occidentalas —Euròpa e America del Nòrd— son dins l’immediatetat, los autres son dins un temps long… Se ieu ne profiechi pas, mos dròles ne profitaràn. An doblidat que foguèt lor vision un còp èra!
 
Una autra evidéncia pels Estatsunidends es lo sentiment d’èsser un pòble causit que deu portar La Conseissença… L’estatua de la Libertat de Nòva Iòrc —deguda a un Francés— aquò vos ditz quicòm? A eles, òc!
 
Mas coneisson, coma o an conegut als cors dels sègles passats los empèris colonials de França e Gran Bretanha —per parlar pas que d’eles—, l’usadura del temps…
 
Perqué Gran Bretanha a desertat l’Union europèa? Per çò que lors elèits podián pas suportar de se plegar a un règlament qu’avián pas mes sus pè e que mestrejavan pas a lor grat.
 
Perqué França —los Franceses— es vista sovent, amb rason, coma arroganta e jamai avara de sos conselhs? Per çò que nòstres dirigents de tot bòrds —a metre dins la meteissa saca— son persuadits d’èsser a la proa del progrès e del saber far. Pauròts!
 
E l’Union europèa es malauta de sa manca de maduretat tot parièr; e los Russes e los Chineses o an plan comprés: Putin e l’anexion ucraïniana qualques ans a, Xi Jinping amb Hong Kong recentament e doman —qui sap— Taiwan…
 
Los líders —pas totes— critican Biden e sas decisions unilateralas; se deurián demandar lo perque!
 
Una bèstia ferida lucha per sa subrevida sustot quand es atacada del defòra e del dedins… Restablida, se preocuparà de sos petits… se son pas estats manjats per las autras bèstias feras…
 
França a pas besonh de filosòfes germanopratins de salon mas a besonh de filosòfes!
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pierre lachaud
4.

La situacion politica es mai clara qu'aquò. Chau partir de l'idéia qu'aus Estats-Unis i a la guerra civila e que Biden a p'un poder a part los medias que fan una propaganda per se. Quò es en realitat l'armada que commanda e qu'a organisat lo depart de las tropas americanas d'afganistan e quò se passa pas tròp mau a part per los qu'organisan un attentat a Kabol. Contre qui? contre l'armada americana.
Lo fascisme decanilha d'Afganistan. Lo fascisme es pas organisat per l'islamisme mas se tòba mai problament dins lo fascisme israeliste que Bush en fuguet l' un daus animators.
Apres l'Orient Median lo fascisme decanilhara a son tor daus governaments de l'union europenne emben l'adjuda de l'armada americana.
Quò es a veire per veire.

  • 0
  • 0
pierre lachaud
3.

La situacion politica es mai clara qu'aquò. Chau partir de l'idéia qu'aus Estats-Unis i a la guerra civila e que Biden a p'un poder a part los medias que fan una propaganda per se. Quò es en realitat l'armada que commanda e qu'a organisat lo depart de las tropas americanas d'afganistan e quò se passa pas tròp mau a part per los qu'organisan un attentat a Kabol. Contre qui? contre l'armada americana.
Lo fascisme decanilha d'Afganistan. Lo fascisme es pas organisat per l'islamisme mas se tòba mai problament dins lo fascisme israeliste que Bush en fuguet l' un daus animators.
Apres l'Orient Median lo fascisme decanilhara a son tor daus governaments de l'union europenne emben l'adjuda de l'armada americana.
Quò es a veire per veire.

  • 0
  • 0
pierre lachaud
2.

La situacion politica es mai clara qu'aquò. Chau partir de l'idéia qu'aus Estats-Unis i a la guerra civila e que Biden a p'un poder a part los medias que fan una propaganda per se. Quò es en realitat l'armada que commanda e qu'a organisat lo depart de las tropas americanas d'afganistan e quò se passa pas tròp mau a part per los qu'organisan un attentat a Kabol. Contre qui? contre l'armada americana.
Lo fascisme decanilha d'Afganistan. Lo fascisme es pas organisat per l'islamisme mas se tòba mai problament dins lo fascisme israeliste que Bush en fuguet l' un daus animators.
Apres l'Orient Median lo fascisme decanilhara a son tor daus governaments de l'union europenne emben l'adjuda de l'armada americana.
Quò es a veire per veire.

  • 0
  • 4
Praube de nosaus
1.

Se pòt comprener la filosòfia dels goros que sietant a la comission europenca e al conselh europenc en se rementant las paraulas de Jean Monnet en 1952 (un dels fondador d’europa, Banquièr internacional, promovèire de l’atlantisme)

« Las nacions europenca deurian èsser menadas devèrs un sobre estat sens que los pòbles s'en trachesson. Aquela amira pòt èsser avezada per estapas en repentida, cada estapa estant amagada jos una forma o dins una amira sonque econòmica. »

  • 2
  • 0

Escriu un comentari sus aqueste article