Bandièra01 capçalera  1180x150: Botiga

Opinion

L’argent o la vita... L’aiga o la fibra?

L’argent o la vita... L’aiga o la fibra?
L’argent o la vita... L’aiga o la fibra? | pixundfertig
Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions

Economias d’energia? Es lo grand tèma. Òc alora perqué installar la fibra e far de forçatge per passar a la 5G dins nòstre airal occitan dependent de França dal temps que lo ver problèma d’aquela passa es l’aiga. E Occitània es a las primieras lòtjas.

Mas son de falsas nòvas?

Òc, los ans de secaressa an existit ja en los ans 1960 o 1970... mas los besonhs d’aiga son plus los memes. D’aiga a gogo. Piscinas, fònts decorativas, grífols de’n pertot en maison. Quora d’un temps i èra just un ponch d’aiga per familha o quartier.

Aüra cèrts quartiers de comunas de Gavotina an de limitacion d’aiga. E d’autras, 7 comunas d’après lo rapòrt actual en França.

E per comparar, al nivèl electric, malgrat lo passatge a las LEDs, la fibra utilizarà sempre mai d’electricitat. Ordinators, aisinas connectaias. Quora penso que los constructors avian quitat de metre lo boton OFF de las televisions per solament una velha, que consòma d’electricitat tostemps dins las annaias 2000.

Benlèu la fibra per totes permetrà de veire emplit lo sieu gòt d’aiga numerica. Societat dal divertiment fòra sòl, fòra tèrra. Pecaire. Per se noirir, es ben material e non virtual.

Sabo ren se las restancas d’aiga serian melhoras que las mega bacinas en causa de l’evaporacion de susfàcia. Coma se fa en Espanha.

Mas l’aiga n’es a la basa. Sensa aiga, ren de possible. Basic. Mas o cal recordar.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article