Bandièra01 1180x150: País Invisible

Opinion

Los logicials de manipulacion de PDF

Los logicials de manipulacion de PDF
Los logicials de manipulacion de PDF
Lo Quentin

Lo Quentin

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

Mai d’informacions

Ensajarai de redigir mos articles d’un biais tematic e lo tèma d’aqueste es l’utilizacion dels documents PDF. Los logicials que presentarai son disponibles per un environament Linux, de còps per Windows tanben, considerarai que sètz equipats d’un sistèma operatiu que respècta l’occitan d’ara enlai. Totes los logicials e aplicacion web presentats aquí son complètament traduches en occitan.

 

PDF signature

 

PDF signatura es pas un logicial que s’installa sus l’ordenador mas una aplicacion web que se presenta coma un site web. Permet d’apondre una signatura a un document PDF (en dessenhant, en important un fichièr imatge o simplament en ajustant las inicialas). Permet d’organizar un PDF en fusionant, triant, pivotant, suprimissent, extrasent de paginas. Ofrís la possibilitat de veire las metadonadas d’un PDF e per acabar de compressar un PDF. Tot aquò sens res installar.

Pel moment es sonque disponible en occitan, francés, anglés, arabi, cabil e italian.

 

 

PDF arranger

 

PDF arranger es una aplicacion escricha en lengatge python e que permet de fusionar o devesir un document PDF. Mas tanben de far pivotar las paginas, cambiar l’òrdre o encara de las retalhar.

 

PDF slicer

 

PDF slicer es una aplicacion que permet de traire lo contengut dels PDF, de los fusionar, los virar e reordenar.

 

PDFsam

 

PDFsam es un logicial complèt qu’existís en doas version, una basica a gratis e una mai avançada paganta.

La version basica permet de fusionar amb mantuna opcion, de devesir en especificant l’interval o frequéncia de division, segon lo pes dels fichièrs o per marcapagina. Permet tanben de far pivotar las paginas, d’inserir d’autres PDF, de mesclar tot aquò.

 

PDF Tricks

 

PDF Tricks realiza gaireben totas las operacions que los autres logicials presentats: compression (amb mai d’una resolucion), division (totas las paginas o una plaja), fusion e conversion.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JP la Rapieta
1.

N'i a dos aspects dins lu 'nivers daus logiciaus, e mai que tot liures : la linga d'un costat, los sabers eisistar de l'autre.
Quò es 'quel aspect qu'aime lu mielhs dins 'quilhs bilhets, que mai d'una vetz, am de las demandas, sens saber las ben formular, e n'i a mai d'unas soluci's ne'n defòra daus gròs.
Per eisemple, aquí, los logiciaus persentats son aisats de comprener, aisats d'utilisar. N'i a mai que de far una chausida. Per mon peron quò es « pdf-arranger ».

De segur, quante la linga es aquí, aquò es d'enquera mielhs, mas, nonmàs parlar de logiciaus, per monsur e madama Tot-lu-monde, nonmàs quò-quí es desjà ben.

Aprofite de mon comentari per grandmercejar los, e las, que reviran, tot parier per lu monde que trabalh au Dicodòc o b'etot au Conjugator.

JPB

  • 4
  • 0

Escriu un comentari sus aqueste article