Bandièra01 capçalera  1180x150: Novestivada

Opinion

Arrelòtges… olas e topins…

E l’òme de l’eisharpa roja de dire que la “victòria” èra la soa e que lo son programa e devèva estar aplicat senon… arren ! Que digó, ce’m sembla, que ne i avèva pas nada plaça endeus traïdors…
E l’òme de l’eisharpa roja de dire que la “victòria” èra la soa e que lo son programa e devèva estar aplicat senon… arren ! Que digó, ce’m sembla, que ne i avèva pas nada plaça endeus traïdors…
Andriu de Gavaudan

Andriu de Gavaudan

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

Mai d’informacions

[Ne son pas que quauques arremarcas que n’engatjan pas sonque jo, naturalament]

 

Jupitèr, lo mèste deus arrelòtges —n’es pas pus mèste d’arren peu moment!— que hasó saber tanlèu lo “resultat gessit de las urnas” qu’estó coneishut qu’avè avut rason de hèser çò qu’avèva hèit, a saber dissòlver lo parlament e qu’atau lo pòble francés qu’avè podut e s’esprimir…

Lo mea culpa que serà ende un aute còp!

“Qu’avèm ganh… !” E non ! Lo revèrs de fortuna n’estó pas jamés autan sobte coma lo deus que, de micro en frinèston, e princejavan enquèra lo divés e que’s vesèvan guarir las escròlas.

Los de l’aute bòrd n’èran pas tròp gualhards maugrat que digossen cap aux micros e camèras que lo Sant-Esperit ne podèva pas sonque bohar que deu lor costat… De mescresents creseents, qué !

Jamés l’adagi que ditz: Lo qu’arritz lo divés que plorarà lo dimenge!

Qu’estó un pauc avant e qu’assistiscom a un espectacle deus grans sul frinèston…

Quauques elegits de mei e qu’èra una victòria coma la de Bonaparte a Arcole; quauques elegits de mens e qu’èra la fauta de la campanha indigna deus adversaris…

E cadun de rampelar que la maturitat deus Francés èra estada demostrada fàcia au peril mortau que miaçava lo país…

E autanlèu cadun de la composanta d’una coalicion o de quaucomet mei de reclamar lo poder…

E l’òme de l’eisharpa roja de dire que la “victòria” èra la soa e que lo son programa e devèva estar aplicat senon… arren ! Que digó, ce’m sembla, que ne i avèva pas nada plaça endeus traïdors…

Que cau sortir la guilhotina!

E autes que denoncièn ua campanha de la vergonha…

E…

Ua majoritat de Francés qu’an votat non pas per aubedir aus líders que tenon los micros e camèras mas en consciéncia per contéguer ua miaça que tots los politicians n’an pas volut véser desempuish ans e ans…

Adonc, ne cadré pas que las abituds maishantas tornèssen ara que lo bolet —e lo vent que provòca!— deu canon es passat.

Pr’amor non son pas eths que diràn: “S’avi sabut…” mas que haràn portar la fauta suus ciutadans qui  n’an pas comprés la gravetat de la situacion e qu’an con·hobut olas ee topins…

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article