CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 20 d'agost
sindica

Blòcs

Dimècres, 24.4.2019 19h44 La Campana de Niana

La prima roquetiana (matinada)

Quand cantan los aucèls, quand me parlan los paisatges, que los camins son de sedas…La prima roquetiana,      Dimenge 5 de mai(tota la jornada)Vos propausam aqueste còp una escorreguda-passejada au dintre dau país de Max Roqueta, un concèrt bèl, una serada de partejar… 9 oras Escorreguda amb Patric Boudarèl, « Lo prince dels aucèls », a la descobèrta de l’aucelilha de las culturas. Per dire los aucèls en occitan… Aquela sortida serà acompanhada per nòstra amiga Josiana Ubaud« Lo Tresor dóu Felibrige de las plantas » per una lectura dels paisatges « D’aubres e una femna » e un pauc mai. (amb Josiana n’i a totjorn un pauc mai.) 1) Rendètz-vos : Apargament a Jonquièra en fàcia la sèrva d’aiga e a costat del garatge automobila Dautherives a 8h45 (aquò es important per poder aprofièchar  lo moment que los aucèls cantan lo mai e son mai vesedors). 2) Camin : Se farà d’a pè : dura 2 oras sens las pausas (comptar donc puslèu 3 oras). Passarem per de bocinets de rotas pichòtas e mai que mai per de camins de tèrra, i a pas ges de dificultat levat lo temps de marcha. 3) Preveire : cauçaduras de marcha, capèl, lunetas de solelh, aiga, de gemèlas (jumelles) se n’avètz, … e 1 repais tirat de la biaça. 4) Patric porgirà : una “longa vista” e 1 libre (guide) d’aucèls. 5) Los aucèls qu’avistarem seràn mai que mai d’aucèls de las culturas (comuns o mens comuns), d’aucèls ligats als vilatges e tanben de rapaces a mai grand territori (Milan negre, Ruissa cendrosa, Paire blanc,.. que venon caçar dins la plana). S’avèm d’astre, veirem benlèu d’aucèls de passa tardius… 13 orasPer aqueles que nos vòlon rejónher per portar lo pastís, tirar lo recapte de la saqueta, partejar un pauc de la descobèrta e dau plaser dau rescontre, de l’amistat, rendètz-vos es donat a l’entorn de 13h00 Per se trapar o en cas de quicòm 06 65 17 40 85 (Domenge) ; 06 28 27 57 73 (Catarina).  17 oras   Calèu en concèrt a la comba de Brunan A la sala de la comba de Brunan (lo Maset) sus la comuna de Sant Guilhem concèrt amb lo duo Calèu (Celina Klisinski- Arvèi Robert) que nos davala de sas Cevenas per nos partejar sos « Camins de seda ». Un concèrt intimist, au canton de la chiminièira. Nos enrebalaràn dempuòi las Cevenas fins au fin fons de l’Asia e de l’Orient, a trepar de camins poetics semenats de mots, manlevats, reculhits embellinats, emmusicalhats plan polidament.aquí => https://lacampanadeniana.blogspot.com/search/label/Cal%C3%A8u 20 oras Saussissada annadièira ofèrta per la Corala de Sant Guilhem a l’entorn d’un repais partejat. Volèm mercejar Alan Roch que nos faguèt passar lo pdf de la mòstra Tiriliriliri, los Tegalós e Joan Loís Segondy per l’abans-tast de son prètzfach sus Nomenar los aucèls en occitan. (de paréisser quand serà acabat) Jornada realizada amb los sostens de l’IEO Erau e de la comuna de Sant Guilhem. Dins la practica / Au maset i a una chiminièira e una grasilha, doncas manjarem la saucissa de Lina. (Coma animal totemic d\'Argelièrs trastejam encara entre lo muscle o la saucissa. De discutir.)Lo ceucle ofrirà la grasilhada mas seriá plan de nos dire (per retorn de mèl o sonada telefonica) lo nombre que vendretz que crompessèm los quilomètres porcassièrs que caudrà.Lo mond auràn pas que de portar una intrada o un desèrt e un pauc de vin.Las vegetarianas pòdon venir de Seta, e las lentilhas de la Maria-Lina seràn las plan vengudas. (lo fricandèu tanben)Vos esperam a la remisa de Brunan, D4:Après lo pont dau diable, prene la rota de Sant Guilhem, passar davant la bauma de Clamosa. L\'ostau, un magazin ancian vengut sala municipala es au long de la rota, un quilomètre e mièg pus luònh, costat montanha, abans Sant Guilhem.Pargue per las veituras a costat. Repais partejat tre 7 oras dau vèspre. Possibilitat de picar un cabús dins Erau, un pauc dejós, amb jacozis naturaus.                                                                              Per comandar la saucissa Abans dimars 30 d’abriu / avant le mardi 30 avril. Mercé.cercle.occitan.max.roqueta@gmail.com04 67 57 32 2106 65 17 40 85Sorgas per los noms d’aucèls:- Gui Benoèt – 2008 -  Las bèstias lexic. Mond Occitan. IEO ed. 266 pp.- Antonin Perbòsc - 2011- lo libre dels ausèls. Classics occitans. 215 pp.- Andrieu Lagarda - 2013 - Vocabulari occitan. ed. Camins. 210 pp.- Joan-Lois Segondy – inedit – Nomenar los aucels en occitan. 77 pp.Que grandmercejam de nos aver comunicat una part de son trabalh de paréisser.

Anar al blòg





Liga ton blòg

Liga ton blòg sus "Jornalet"



Estatisticas
108 blògs inscriches
17823 articles totals



Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)