CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 23 d'abril

editorial

Dimenge, 23 de febrièr de 2014, 03h00

Tèrratrem en Sardenha


Comentaris 2 comentaris    
Marrit Flac Bon Plan bon Fabulós (9 vòtes)
carregant En cargar


Lo Parlament de Sardenha
© Marco Plassio





Etiquetas
editorial, sardenha, sobeiranisme

Las eleccions regionalas en Sardenha an provocat un petit tèrratrem en la mapa politica de l’illa. La nòva lei electorala, que s’es aplicada en aquelas eleccions, favorís los partits grands e desfavorís las petitas organizacions politicas. Aital, solament los partits que supèran un 10% dels vòtes an drech d’accedir al Parlament regional, format per 60 sètis. Aquò provoquèt que se formèsson doas grandas coalicions, una de centredrecha e una autra de centresquèrra. Dins caduna de las doas coalicions s’inscriguèron de petits partits sobeiranistas sardes, en un assag de superar la barrièra electorala e obténer qualque deputat.
 
Lo resultat es estat inesperat perque, après lo recompte dels vòtes, uèch sètis apertenon als partits nacionalistas sardes, çò es, mai de 10% dels sètis. Per contra, los partits sobeiranistas que se presentèron per lor compte atenguèron pas de representacion parlamentària, e mai se la coalicion Sardenha Possibla obtenguèt un resultat pas brica mespresable: 6,8% dels vòtes. Pr’amor que la lei electorala prevei de votar per un partit, e mai s’aquel es dins una coalicion, lo resultat a permés de saber que 26% dels sufragis foguèron per de partits independentistas o nacionalistas sardes. Es una donada istorica e marca una autentica revolucion sardista.
 
En essent aital las causas, lo sardisme tròba davant el una legislatura ont governarà lo centresquèrra. Es una oportunitat istorica per demostrar que lo movement a madurat, qu’a crescut politicament e socialament, e qu’a de capacitat per governar al marge dels partits italians. Lo sardisme politic deuriá superar la division en tantes partits e movements, e èsser capable de se presentar davant la societat coma una opcion politica autoctòna, e non pas coma l’annèxe sardista de la drecha o de l’esquèrra. Aver una mapa pròpria de partits es lo primièr pas per la bastison d’una mapa politica nacionala. A l’ora d’ara a qualques ans per demostrar qu’es non solament capable de se mobilizar per carrièras mas tanben per far de politicas concretas dempuèi las institucions.



publicitat



Comentaris

24 de febrièr 20.54h

Mentretant, en Corsega, es possible que los nacionalistas moderats ganhen doas de las tres vilas màgers, Bastia e Portivechju... Afar de seguir...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

23 de febrièr 15.26h

Lo discors independentista pòt foncionar quand es constructiu, clar e liat ai preocupacions socialas de la populacion.
Èra impossible d'imaginar una ondada independentista en Sardenha fa quauqueis ans, e ara deven una realitat politica importanta. Lo trabalh tenaç a pagat.
En Occitània tanben podèm desvolopar l'independentisme en essent tenaç, constructius e pròches dei preocupacions popularas.


Valoriza aqueste comentari:   votar positiu 12   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • Tardor de Tèrrafòrt

    Octòbre de 2012 en Tèrrafòrt de Galhac Tolzan

  • © Franc Bardòu

    Tèrra albigesa

  • © Laurenç Revèst

    Fòrt Maginòt de Sant Anhe

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs Bigordans

  • Zep Armentano

    25au Corsa Aran per sa Lengua

  • Lo grand passacarrièra de Rodés. Occitan Pride 2013

  • © Franc Bardòu

    Coserans al còr

  • © Franc Bardòu

    Catalonha etèrna

  • País de Rasés. © Franc Bardòu

    País de Rasés

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Zep Armentano

    XI prèmis Gaudí de l'Acadèmia Catalana del Cinèma

  • Pòrt de Niça: Li galeras

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Zep Armentano

    Era Mongetada (Val d'Aran 28-29 d'octobre 2017)

  • Dau temps dei vacanças en Dordonha. © Ciril Joanin

    Concors d'estiu 2012: La fotografia de las vacanças

  • Carnaval e fèsta per l'anniversari de la naissença de Jausep Garibaldi a Niça

  • Allegoria de la

    Concors d'estiu 2012: La fotografia de las vacanças

giny

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)