La Calandreta los Cascamèls de Peiriac de Menerbés a lançat una campanha de micromecenatge. Devon cambiar de locals e lor cal de sosten per assumir los trabalhs e las crompas del mobilièr per l’escòla nòva.
 
Nascuda fa cinc ans amb uèch escolans, l’escòla immersiva occitana de Peiriac a escolarizat ongan un trentenat d’enfants. Amb lo sosten que recebrà del micromecenatge, la Calandreta aurà doas classas de la mairala al CM1 per un quarantenat d’escolans, quand auràn transformat lo nòu local, qu’aculhissiá abans un restaurant en una escòla coma cal.
 
Vesitatz-ne la pagina de Facebook e clicatz sus m'agrada. E fasètz un don.