CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Diluns, 15 d'abril de 2019, 03h00 Cultura,Espòrt,Lenga,Politica,Societat

Lengadòc > Lengadòc Naut > Tolosan

Tolosa: reüssida de la setmana occitana de l’associacion Òsca

Los estudiants d’occitan de l’Universitat Tolosa Joan Jaurés an organizat una setmana amb divèrsas animacions sul tèma del poèta menerbés Leon Còrdas


Comentaris 19 comentaris    
Marrit Flac Bon Plan bon Fabulós (10 vòtes)
carregant En cargar


La Setmana Occitana 2019 de l’associacion Òsca es acabada! Del 8 a l’11 d’abril, los estudiants d’occitan de l’Universitat Tolosa Joan Jaurés organizèron una setmana amb divèrsas animacions sul tèma del poèta menerbés Leon Còrdas. La tòca èra de participar a la difusion e la promocion de la lenga e cultura occitanas a l’universitat e dins la vila de Tolosa.
 
Comencèt, en partenariat amb lo CLAP (la bibliotèca Letras, Arts e Filosofia de l’UT2J), amb la mòstra del CIRDÒC “Dins las piadas de Leon Còrdas” e la projeccion del filme documentari Raices de Christian Vialaret. Lo realizaire enregistrèt sa pròpria familha per un polit film sus las tradicions familhas dins son vilatge natal de Tarn. 
 
Vengut amb sos estudiants en Filologia Catalana e Estudis Occitans de l’Universitat de Lhèida per un escambi universitari, Aitor Carrera donèt una conferéncia sus la Val d’Aran lo dimars. Puèi, lo rock del grop Courtial X Kogane ressonèt dins l’universitat, jol solelh e jos la granissa! Estudiants e professors de tot cursus s’amassèron jol balet del gimnasi, pel grand plaser de la còla d’Òsca, aüroses de poder donar de visibilitat a l’eveniment. Sens oblidar los jòcs de fusta de Vam e Nhac a disposcion de totes los estudiants pendent dos jorns a l’universitat. 
 
La Setmana Occitana contunhèt lo dimècres amb de concèrts al restaurant La Topina. Las poesias en cançons de Menestrellas, seguidas del duo, vengut ara lo trio P.A.T.O.I.S, encantèron lo public de La Topina. Enfin, Joèla Ginestet clavèt la setmana amb una conferéncia sul païsatge menerbés e la paraula ritmada pels vents de Leon Còrdas.
 
Contenta de la reüssida de la Setmana Occitana, la còla d’Òsca merceja totes los participants als diferents eveniments, puèi l’UT2J, lo CLAP, e La Topina, e tanben totes los estudiants e professors que s’impliquèron dins l’organizacion d’aquela setmana de fèsta. A lèu!
 
 
 
 
La còla d’Òsca
 
 
 

 




 


abonar los amics de Jornalet

 



publicitat
BANER1-2-3: DGPL AN LAFONT



Comentaris

18 d'abril 10.07h

#18 E que devon far? Res? Te rapèli que son los estudiants d'occitan qu'an organizat aquò e que justament es un biais de rendre visibla la lenga nòstra. Benlèu qu'as legit tròp rapidament l'article.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

18 d'abril 09.25h

Qu'organizan ua setmana occitana pendent que la nosta lenga es a crebar ! Vergonha !


Valoriza aqueste comentari:   votar positiu 0   votar negatiu 6
Respondre comentari replica Comentari inadeqüat   Formulari d'abús de comentari

17 d'abril 13.18h

#13 https://oc.wikipedia.org/wiki/Leon_C%C3%B2rdas


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

17 d'abril 09.18h

#13 Sabètz legir l'occitan ? S'abètz çò qu'es un libre ? Sabètz qu'existisson de librariás ? Sabètz çò que son las universitats, d'endereit ont s'estúdian las literaturas ? Vos cal anar estudiar la litaratura en lenga d'òc : vos cultivarà e vos estalviarà de vos ridiculizar en remarcas absurdas…


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

16 d'abril 18.27h

#13 Vos agrada pas Leon Còrdas, es una causa. Lo redusir a un agitator es una bestièsa. L'òbra de Leon Còrdas merita lo respièch. E o repeti: qu'agrade o pas es una autra question.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

16 d'abril 18.24h

#13 "Faun de brut mas parlou pas" Le contrari de tu, parlas e hès pas?


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

16 d'abril 17.38h

Faun de brut mas parlou pas.

Leoun Cordas pouèto ? De qu'escriguet coumo pouèmo ?
Fouguet un pichoun agitatour e pas mai.


Valoriza aqueste comentari:   votar positiu 1   votar negatiu 14
Respondre comentari replica Comentari inadeqüat   Formulari d'abús de comentari

15 d'abril 23.13h

Visca los estudiants e estudiantas de de l'associacion Òsca per la gran tasca en favor del país e la lengo nostro.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

15 d'abril 20.03h

Òsca als estudiants !

Lo melhor aprendissatge es dins l'accion !

Bolegatz !


Valoriza aqueste comentari:   votar positiu 11   votar negatiu 1
Respondre comentari replica Comentari inadeqüat   Formulari d'abús de comentari

15 d'abril 18.35h

#1 "Quin poderem pagerar aquera escaduda? Lo hèit d'ac aver hèit?"
D'ac aver hèit ei ja ua plan bona causa. Bastir un projècte atau e ac menar dinc au cap ei ua escaduda, au sigur. Quan i a quaucòm meilèu qu'arren, dens la nòsta situacion ei ja un succès que s'amerita d'estar saludat, e qu'ac hèu: longa vida e succès a Òsca! que menaràn l'occitan un pauc mei luènh dens le milenari que comença.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 19
  • sol Bordèu 19
  • sol Briançon 12
  • sol Caors 20
  • sol Carcassona 20
  • sol Clarmont-Ferrand 16
  • sol Confolent 17
  • sol Gap 10
  • sol La Canau 19
  • sol La Gàrdia 19
  • sol Limòtges 19
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 21
  • sol Montpelhièr 20
  • sol Naut Aran 17
  • sol Niça 18
  • sol Nimes 20
  • sol Pau 17
  • sol Peireguers 19
  • sol Rodés 20
  • sol Tolon 19
  • sol Tolosa 20
  • sol Valença 16

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Laurenç Revèst

    Fòrt Maginòt de Sant Anhe

  • © Xavi Gutiérrez Riu

    Tarba

  • Fèsta occitana a Barcelona, a l'ocasion del cinquen anniversari de Jornalet

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • País de Rasés. © Franc Bardòu

    País de Rasés

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Concèrt del 20n anniversari de Gric de Prat

  • © Franc Bardòu

    Asuèlhs Bigordans

  • Castelar

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Jean-Charles Valadier

    Jornada de protèsta contra lo barratge del Testet, a Sivens

  • © Franc Bardòu

    Asuèlhs de Lauragués

  • Omenatge a Aragon. © Franc Bardòu

    Omenatge a Aragon

  • © Catarin Seguran

    Quauqua part sus un chamin de l'Aut Buechaine entre lo riu de Chaurana e lo Grand Buech (Gavotina)

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Galhac

    Octòbre de 2012 en Tèrrafòrt de Galhac Tolzan

  • Castelar

  • © Chau Viva

    Qualques salas de classa d'occitan en collègi

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)