Actualitats
Biàrritz: de milièrs de manifestants per Ikastola
Revendican los 30 pòstes necessaris a las escòlas immersivas en lenga basca per la rintrada venenta
De milièrs d’enfants, de parents e d’ensenhaires d’Ikastola manifestèron divendres de ser a Biàrritz (Bas Ador) per tal de revendicar los 30 pòstes que las escòlas immersivas en lenga basca an de besonh per la rintrada que ven. La protèsta reproduguèt una danborrada, çò es lo tradicional tamboratge. Faguèron aitant de bruch coma poguèron per que lo son de la protèsta arribèsse fins a París.
Almens cinc mila manifestants reclamavan los 30 pòstes suplementaris per començar l’annada escolara venenta. Son los pòstes previstes per Seaska, mas l’estat francés compta pas que ne finançar cinc, o benlèu dètz, pas mai. Segon la federacion de las ikastolas del Bascoat Nòrd, e mai se l’estat prepausèsse lo finançament de 20 pòstes, signariá pas la convencion, pr’amor que lor en cal 30.
Aquela mobilizacion arriba dins un contèxt mai que tibat après las recentas atacas ministerialas contra las escòlas que practican l’immersion.
D’autras mobilizacions avenidoiras
De nòvas mobilizacions se tendràn dins los jorns avenidors. Lo 17 de junh, primièr jorn del bachelierat, d’escolans e de parents manifestaràn davant lo licèu Bernat Etxepare de Baiona per revendicar l’examen en basco. D’autras mobilizacions auràn luòc lo 23 de junh, nuèch dels fuòcs de Sant Joan, per mostrar una oposicion a “l’esperit jacobin francés”. En mai d’aquò, lo jorn del brevet dels collègis, lo 27 de junh, i aurà aitant de manifestacions.
Perqué a Biàrritz?
Los organizaires de la manifestacion an causit Biàrritz justament perque es la vila ont Macron faguèt un discors en favor del modèl d’immersion lingüistica de las escòlas. A mai, es dins aquela vila que Seaska rescontrèt lo ministre Jean-Michel Blanquer en 2017.
De soslinhar que Biàrritz serà lo sèti de la cima internacionala del G7 en agost venent. “Que representan 30 pòstes d’ensenhaires al costat dels 30 milions d’èuros desborsats per tres jorns d’ambaissadas diplomaticas a Biàrritz?”, çò se demanda lo director e president de Seaska, Hur Gorostiaga.
Almens cinc mila manifestants reclamavan los 30 pòstes suplementaris per començar l’annada escolara venenta. Son los pòstes previstes per Seaska, mas l’estat francés compta pas que ne finançar cinc, o benlèu dètz, pas mai. Segon la federacion de las ikastolas del Bascoat Nòrd, e mai se l’estat prepausèsse lo finançament de 20 pòstes, signariá pas la convencion, pr’amor que lor en cal 30.
Aquela mobilizacion arriba dins un contèxt mai que tibat après las recentas atacas ministerialas contra las escòlas que practican l’immersion.
D’autras mobilizacions avenidoiras
De nòvas mobilizacions se tendràn dins los jorns avenidors. Lo 17 de junh, primièr jorn del bachelierat, d’escolans e de parents manifestaràn davant lo licèu Bernat Etxepare de Baiona per revendicar l’examen en basco. D’autras mobilizacions auràn luòc lo 23 de junh, nuèch dels fuòcs de Sant Joan, per mostrar una oposicion a “l’esperit jacobin francés”. En mai d’aquò, lo jorn del brevet dels collègis, lo 27 de junh, i aurà aitant de manifestacions.
Perqué a Biàrritz?
Los organizaires de la manifestacion an causit Biàrritz justament perque es la vila ont Macron faguèt un discors en favor del modèl d’immersion lingüistica de las escòlas. A mai, es dins aquela vila que Seaska rescontrèt lo ministre Jean-Michel Blanquer en 2017.
De soslinhar que Biàrritz serà lo sèti de la cima internacionala del G7 en agost venent. “Que representan 30 pòstes d’ensenhaires al costat dels 30 milions d’èuros desborsats per tres jorns d’ambaissadas diplomaticas a Biàrritz?”, çò se demanda lo director e president de Seaska, Hur Gorostiaga.
Abiatu da danborrada #Biarritzpic.twitter.com/lV7Ob0ujXn
— Goizeder Taberna (@Taberna_G) June 7, 2019
Seaskaren danborrada Miarritzen postuen eskatzeko eta murgiltze sistema defenditzeko pic.twitter.com/coYGxFo97n
— France Bleu Pays Basque (@Bleu_Basque) June 7, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be, pels Bascos, i allí també passen coses, a veure si algú les descobreix, ah, i son molt grosses.
Una salutació a tots ells, se la mereixen!
Visca la Terra...Lliure!
L'Ernest, "El Tàrrega".
#27 Vos aviáu fòrça ben comprés. E ieu vos parlavi exprès de l'experiéncia d'Anglet, que coneguèt de problèmas similars au Bocau.
(peus qui ne saben pas : l'Ador qu'esparteish Anglet (mieidia) e lo Bocau (nòrd).)
#26 Domergue Sumien : "coneissi ben l'afaire de la Calandreta d'Anglet, que l'ai seguit de près."coneissi ben l'afaire de la Calandreta d'Anglet, que l'ai seguit de près."
Car Domergue, ne parli pas de la calandreta d'Anglet (dilhèu un projècte bèth temps a, qui n'éra pas jamei concretizat) mes la deu Bocau... escòla qui n'ei pas sonque ua ikastola adara !
#25 Car collèga, coneissi ben l'afaire de la Calandreta d'Anglet, que l'ai seguit de près. Cresi que vau escriure un novèl article d'opinion sus lo Bas Ador, per respòndre en detalh a vòstreis arguments.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari