Actualitats
Un dels vicepresidents del Parlament Europèu a demandat a Espanha d’autorizar lo referendum en Catalonha
“Madrid deu daissar la decision en mans dels catalans”, çò diguèt l’alemand liberal Alexander Álvaro
Un dels vicepresidents del Parlament Europèu, l’alemand del Partit Liberal Alexander Álvaro, a demandat a Espanha d’autorizar un referendum sus l’independéncia de Catalonha. En de declaracions a la ràdio catalana RAC1, Alexander Álvaro a dich que cap de govèrn se deu pas opausar a la volontat del pòble e que los catalans lor cal aver drech de decidir, e mai s’el “personalament” compren pas los motius de Catalonha per voler venir independenta. “Se los catalans creson qu’es un bon apròchi, Madrid deu daissar la decision en lors mans”, çò a afirmat l’alemand.
“Cresi pas que siá tròp util que Madrid ensage de s’opausar a çò que vòlon las gents de Catalonha”, çò a apondut Alexander Álvaro, qu’a insistit qu’un govèrn “pòt pas jamai forçar las gents de prene o prene pas una decision”.
“Cresi pas que siá tròp util que Madrid ensage de s’opausar a çò que vòlon las gents de Catalonha”, çò a apondut Alexander Álvaro, qu’a insistit qu’un govèrn “pòt pas jamai forçar las gents de prene o prene pas una decision”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govèrn espanhòl a pas cap de argument per s'opausar al sentiment d'un pòble. Emplega las leis per negar la libertat. Celèbri que per Euròpa se'n comencen a avisar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari