CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Actualitats

Dimars, 24 de setembre de 2013, 03h00 Lenga,Politica,Societat

Lengadòc > Lengadòc Bas > Montpelhierenc

Debat reüssit sus l’occitan a Montpelhièr

S’estúdia la fasabilitat del tramvai en occitan, aumentar la plaça de l’occitan per carrièras e las borsas per ensenhar l’occitan


Comentaris 17 comentaris    
Marrit Flac Bon Plan bon Fabulós (4 vòtes)
carregant En cargar


Divendres 21 de setembre, lo president de l’aglomeracion de Montpelhièr, Jean-Pierre Moure, un dels candidats a la primària del Partit Socialista per la comuna de Montpelhièr, aviá convidadas las associacions occitanistas per una discussion amb certans elegits e de mond de la cultura e de l’ensenhament a la Mediatèca Centrala Emili Zola, en dobertura de la manifestacion Vendemiaires. Una sala comola de mond.
 
Après la representacion d’una partida de L’Estanquet per lo Teatre La Rampa-Tiò, lo debat comencèt e durèt doas oras, amb d’intervencions de la sala e de la tribuna, compausada per de representants de las regions Lengadòc-Rosselhon e Miègjorn-Pirenèus, la vila de Montpelhièr, la vila de Tolosa, lo CRÈO Lengadòc, las Calandretas, la companhiá de teatre la Rampa-Tiò, lo Pen Club de Lenga d’Òc e l’agéncia artistica Sirventés. Lo debat foguèt animat per Brunon Cecilion, de Ràdio Lenga d’Òc.
 
Quina plaça per l’occitan dins l’aglomeracion de Montpelhièr? Quina plaça dins la vida publica per la lenga escricha e ausida? Quora se farà lo tramvai en occitan? Cossí aumentar lo nombre d’estudiants a l’universitat, que sufís pas a l’ora d’ara, per respondre a las ofèrtas d’emplec? De notar tanben que l’Universitat de Montpelhièr, coma totas las de França, patís la crisi e que las filièras qu’an pas pro d’estudiants son fragilizadas. De que se fai possible a Calandreta per faire viure la lenga amb una pedagogia diferenta?
 
De qu’es possible dins las escòlas publicas que tròp sovent lo public lengadocian en general, montpelhierenc en particular —e mai los jornalistas e elegits— es completament ignorant de las possibilitats legalas d’aprene l’occitan a l’escòla publica? La presidenta del CRÈO insistiguèt sus aquò: es anormal que dins tota l’aglomeracion de Montpelhièr las familhas ajan pas la causida, se vòlon un ensenhament de l’occitan bilingüe, de l’aver dins las escòlas publicas, aquí ont son la majoritat dels enfants e ont es donc la possibilitat mai granda de desvolopament. Un desvolopament de la transmission escolara que cal per contrastar la pèrda de transmission familiala, un desvolopament que cal per assegurar un public a la cultura viva: cançon, teatre, literatura.
 
L’escrivan Joan-Frederic Brun faguèt part de son optimisme: segon el, un public nòu es a nàisser, e mai se los locutors naturals morisson. D’escriveires nòus tanben, coma Maëlle Dupon.
 
Vaquí, a la lèsta, qualques unes dels ponches que montèron d’un debat ric, que la sala i prenguèt part. Rai, los dos principals elegits quitèron la sala un còp qu’aguèron parlat... Mas lo public present espèra plan que, abans de partir, aguèsson plan escotat Magalí Blenet e Estève Cròs que presentèron las politicas e las accions menadas a Tolosa e dins la region Miègjorn-Pirenèus.
 
Los representants associatius presents saupràn tornar rescontrar sos elegits per esperlongar lo debat e demandar ont ne son las promessas fachas: estudiar la fasabilitat del tramvai en occitan e aumentar la plaça de l’occitan per carrièras, sens parlar de las borsas que los estudiants de nòstra region que vòlon ensenhar l’occitan (a Calandreta o dins lo public) i an pas drech, al contrari de çò que se fai en Miègjorn-Pirenèus o Aquitània...
 
 
 
 
M.J. Verny, Melania Laupies



publicitat
BANER1-2-3: DGPL TRADUCTOR



Comentaris

26 de setembre 11.33h

#15 formacion de matematicas... Vesi pas tròp lo rapòrt amb la mission aquesta...

Lei diplòmas interessants per aquesta mena de pòstes serian puslèu un diplòma en rapòrt amb lo drech e la gestion administrativa ò dei collectivitats territorialas non ?

Ò alara sias a dire an aqueu joine que per èstre encargat de mission "occitan" basta d'aguer un diplòma ò una formacion que valida quala competéncia que siegue ?

Quant ai competéncia excellentas en occitan (çò qu'es verai !),... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

26 de setembre 11.22h

de borsas pels estudiants d'occitan?!

Esperi que amb aquò, en luoc de se faire explotat dins las kalandret', auràn lo temps per estudiar!

http://www.jornalet.com/noticia/1850/los-salariats-de-la-calandreta-leon-cordas-son-en-cauma


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

25 de setembre 19.57h

A Molotov : "charrar, charrar, e res faire"... Bon, e tu, que fas ? Quantes coktails as ja fabricats ? Mèfi, que te pòdon espetar al morre ! Pel demai, esperam de conselhs esclairats !
Autra especialitat occitana : se trobar un pseudonim e criticar...
E per los que cercan de "tudèls" per se trobar una foncion coma la de Magali o d'Estève, dirai que Magali faguèt doas licéncias : occitan e sociologia... Las competéncias reconegudas per un diplòma, aquò pòt ajudar...
Estève avia una ... Legir mai


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

25 de setembre 12.01h

#13 Puslèu lo biais de valorizar tei competéncias devèrs lei bònei personas... Deis encargats de missions per l'occitan que conoissi, son sei competéncias que faguèron la diferéncia... Coratge dins ta quista !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 11.54h

#12 voletz díser lo piston me lo devi trobar ? :)


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

25 de setembre 11.03h

#11 La soleta causa que te pòdi conselhar es de far d'entrisme e de l'anar au "culot". Après, es au còp una question de competéncia (per tu), de volontat et de mejans (per l'institucion) e de conoissènça dau mitan culturau e associatiu locau (per tu e l'institucion)

Aquesta mena de pòste d'encargat per l'occitan es generalement creat en seguida d'una pression politica locala. Lei "tuièls" son a tu de te lei destoscar...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 10.53h

#10 mercés plan per l'info.
E coma "conoisser lei bònei personas au bòn moment e ai bòns endrechs" ?
Auriái plan besonh de "tuièls" se n'avetz ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 09.55h

#9

1 / Passar un concors d'estacat dins la foncion publica territoriala e pausar sa candidatura tre que l'anoncia de la dubertura dau pòste es facha.

2 / Mai prosaïcament, connoisser lei bònei personas au bòn moment e ai bòns endrechs. ;-)


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 09.25h

#1 Cossí cal far per devenir encargat per l'occitan dins una comuna coma Tolosa o encargat per l'occitan a la region coma Miègjorn-Pirenèus ?
Es una bèla chança d'o èsser !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

25 de setembre 09.18h

#7 Esperam tei conseus concrèts per saupre de que fau far.

Vieu pas en que aquesta mena de rescòntre empacha de far de causas d'un autre latz, mai bessai qu'as d'autrei prepausicions mai pertinentas ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 10
  • sol Aush 8
  • sol Bordèu 10
  • sol Briançon 6
  • sol Caors 10
  • sol Carcassona 8
  • sol Clarmont-Ferrand 9
  • sol Confolent 7
  • sol Gap 4
  • sol La Canau 10
  • sol La Gàrdia 16
  • sol Limòtges 10
  • sol Lo Borg Sant Dalmatz 10
  • sol Lo Puèi de Velai 8
  • sol Marselha 10
  • sol Montpelhièr 9
  • sol Naut Aran 6
  • sol Niça 13
  • sol Nimes 9
  • sol Pau 10
  • sol Peireguers 10
  • sol Rodés 9
  • sol Tolon 11
  • sol Tolosa 9
  • sol Valença 7

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Laurenç Revèst

    Per las carrièiras de Someire, lo pont cobèrt per la ciutat vidorlenca

  • Tota la còla. © Laurenç Revèst

    Remembres de Vaquí, emission en la Vau Clusa, novembre de 2005

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Franc Bardòu

    Darrièr refugi abans l’envòl (1206-2016)

  • Castelar

  • © Laurenç Revèst

    Menton, 'a vivaroalpenca maritima

  • © Franc Bardòu

    País Bordalés

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Niça vièlha en occitan niçard. © LR

    Niça vièlha en occitan niçard

  • © Conselh Generau d'Aran

    Lo Torn de França 2016 en Aran

  • © Xavi Gutiérrez Riu

    Tarba

  • Vaquí lo vilatge provençau alpin de l’ostau amb montanhas, glèisas, ostaus, santons,..., dei Aups de Nauta Provença amb la bandièra nostra!  © Quentin Willaume

    Concors de Nadal de Jornalet: Cossí se passan las Calendas en cò vòstre?

  • A Gavotina marítima: Recabruna Cab Martin, a vila vielha e o castèl dau sécolo X

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Catarin Seguran

    Las ribas del riu Tiniá d'estiu

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Musèu de Terra Mata, Niça, mai anciana traça de fuec au monde

  • © Franc Bardòu

    Tèrra albigesa

  • © Conselh Generau d'Aran

    Lo Torn de França 2016 en Aran

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)