CAPÇALERA2: FAI-TE SOCI

Jornalet, gaseta occitana d'informacions

Divendres, 22 de junh

Actualitats

Dijòus, 7 de novembre de 2013, 03h00 Espòrt

Un Monde XIII: los mistèris de la pola C


Comentaris Un comentari    
Marrit Flac Bon Plan bon Fabulós (2 vòtes)
carregant En cargar


A Leigh, aquesta nuèit de dimars, dins la partida crosada pola C / pola D, al tèrme d’un rescontre decabestrat amb per objectiu la circulacion permanenta de la pauma (a faire estrementir los especialistas del jòc preestablit), en marcant 4 ensags (3 transformats), Tònga ganhèt 22-16 contra las Illas Cook del capitani Drac Zeb Taïa (3 ensags, 2 transformacions).
 
Consequéncia: los jòcs son faits dins lo grop D. Los Estats Units seràn en quart de finala contra Austràlia. A Neath (dimenge 10, a 15 h —ora occitana—), Galas ensajarà de salvar l’onor contra las Illas Cook, mas es pas fait!
 
Per contra, en pola C, las tres esquipas se pòdon encara qualificar. Escòcia e Itàlia an 3 punts (una victòria e una egalitat), Tònga 2 punts (una victòria e una desfaita). Qual jogarà lo quart contra la Nòva Zelanda? Primièr element de responsa tre aqueste dijòus (Salford, 21 h) amb lo rescontre entre los Estats Units e una motivada esquipa d’Escòcia. Una victòria d’Escòcia condemnarà Tònga, mas Itàlia sauprà quant de punts li cal marcar per passar en quart. Una desfaita dels Blaus d’Alba e lo rescontre Tònga-Itàlia (dimenge, 17h, a Halifax) serà una vertadièra finala del grop: lo venceire en quart.
 
Dins las polas A e B, los qualificats son ja coneguts.
 
Dins lo primièr grop, dissabte, a 21h, Irlanda aurà lo plaser de reçaupre Austràlia a Limerick mas poiriá patir coma França lo còp passat fàcia a la Nòva Zelanda a Avinhon. Dissabte, a Hull (15h30), los fijians poirián pausar de problèmas a una esquipa d’Anglatèrra que coneis unes problèmas intèrnes: aprèp un jogaire fòrabandit per èsser anat beure un còp de tròp, vaquí que l’arrièr dels Rinocèros de Leeds, Zak Hardaker, es tornat de son sicap a l’ostal, malcorat de pas èsser retengut per la partida contra Irlanda.
 
En pola B, tre divendres (Leeds, 21 h), la Nòva Zelanda perseguirà sa passejada de santat contra unes papós qu’an ja preparat la maleta del retorn. Puèi, per clavar lo torn qualificatiu, diluns a 8 oras del ser, a Perpinhan, sus l’Estadi Brutus, serà l’ora de vertat pel XIII occitanocatalan fàcia a Samoa.
 
Demòran encara unas plaças per que cadun e caduna de vosautres vengue lo 14n òme dels Blaus. Bon, encara que Samoa jògue tanben en... blau; doncas, mai que probable los Blaus seràn en... blanc. Enfins, que la fèsta siague colorada, mirgalhada amb de belugas sus la pelena e dins los uèlhs!
 
D’aquel temps, los Dracs anóncian la signatura d’un... mostre samoan per remplaçar Remi Casty al pòst de pilar: Jeff Lima ven de signar per 3 ans. Lo jogaire, que portèt dins sa joinesa las colors de Sent Gaudenç, joguèt 5 sasons (2006-2010) a l’Storm de Melbourne (campion  en 2007 e 2008), puèi passèt doas sasons a Wigan (2011-12) ont foguèt elegit “òme de la partida” de la finala ganhada de la Cup en 2011, abans de tornar a Sydney per portar lo malhòt dels Lapinons (20 partidas jogadas). Jeff Lima portèt sièis còps lo malhòt dels Kiwis, mas joguèt tanben per son país d’origina, Samoa. Aquel brave gojat de 31 ans mesura 1,82 m per 113 kg de muscles.
 
 
 
 
Alan Roch



publicitat



Comentaris

7 de novembre 08.43h

Partida crotazada entre duas polas, duas polas de tres e duas de quate, l'organizacion de la Copa deu Monde de XIII ei tan folclorica que non pas la Copa d'Euròpa de XV (Quinze, pas Xavièr Vidal) dab soas sheis polas e los "dus melhors dusaus" qualificats.
Aquò rai, nos regalam totun de véser los Tongians e los Samoans ...
Un plasèr vertadièr.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo freg e lo caud

Aquesta setmana l'actualitat bofa lo freg e lo caud sus la lenga occitana. D'un caire, una joventa aranesa a passat lo primièr examen preüniversitari de l'istòria en occitan, ...
giny

Lo temps

Mapa
  • sol Agen 26 13
  • sol Aush 26 12
  • sol Bordèu 26 13
  • sol Briançon 23 9
  • sol Caors 27 12
  • nuvols Carcassona 24 13
  • nuvols Clarmont-Ferrand 20 8
  • sol Confolent 22 11
  • sol Gap 27 13
  • sol La Canau 26 13
  • nuvols La Gàrdia 23 16
  • sol La Torre de Pèlitz 28 16
  • sol Limòtges 22 12
  • sol Lo Borg Sant Dalmatz 29 15
  • nuvols Lo Puèi de Velai 18 8
  • sol Marselha 30 17
  • sol Montpelhièr 28 17
  • nuvols Naut Aran 22 12
  • sol Niça 18 9
  • sol Nimes 28 16
  • nuvols Pau 25 13
  • sol Peireguers 23 12
  • sol Rodés 26 11
  • sol Tolon 30 17
  • sol Tolosa 27 12
  • nuvols Valença 20 9

giny

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Asalaís Moniguet

    Montpelhièr la lengadociana

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Celèsta Toion

    La plaja espaci de libertat? D'expression?

  • Asuèlhs comengeses. © Franc Bardòu

    Asuèlhs Comengeses

  • © Franc Bardòu

    Tèrra albigesa

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Lenga occitana, istòria e gastronomia. © Laurenç Revèst

    Lenga occitana, istòria e gastronomia

  • © Asalaís Moniguet

    Montpelhièr la lengadociana

  • © Laurenç Revèst

    Ua comua de la valaia dai Palhons: L'Escarea, gents de cadea

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • País de Rasés. © Franc Bardòu

    País de Rasés

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Martina Gròs

    Estivada en Liuradés-Forés

  • Asuèlhs comengeses. © Franc Bardòu

    Asuèlhs Comengeses

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Franc Bardòu

    Asuèlhs Bigordans

giny

Vidèos

Las mai...

publicitat

LATERAL1 300X250: radio pais

giny

Sondatge

Cal revendicar lo drech de passar los examens escolars en occitan?


79%



8%



10%



2%




Vots 97 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)