CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Actualitats

Diluns, 8 de febrièr de 2016, 03h00 Societat,Politica

Lengadòc > Lengadòc Bas > Montpelhierenc

Montpelhièr: dos cents personas an manifestat contra l’islamizacion d’Euròpa e per la francizacion d’Occitània

L’eveniment se passèt dins l’encastre d’una crida de Pegida a manifestar pertot en Euròpa contra l’aculhiment dels refugiats que demandan l’asil


Comentaris 7 comentaris    
Marrit Flac Bon Plan bon Fabulós (3 vòtes)
carregant En cargar


Aperaquí 200 personas representant un desenat d’organizacions respondèron dissabte a Montpelhièr la crida del movement islamofòb Pegida. Manifestèron contra los migrants e los refugiats. Acampats davant la prefectura e en brandissent de drapèls franceses, mas tanben d’occitans e de catalans, cridavan de consignas contra “lo grand remplaçament”, en afirmant que los demandaires d’asil “son pas de refugiats” e que “son illegals”.
 
“Refusem la destruccion de la nòstra identitat per l’invasion de la nòstra tèrra”, çò cridèt als assistents Philippe Gibelin, president de l’associacion Nacionalitat-Ciutadanatge-Identitat (NCI). Pasmens, lo discors identitari de Gibelin foguèt fach, justament en francés, en tot revendicar l’identitat qu’a ben destruch l’identitat occitana. Dins aquel sens, e jols aplaudiments dels assistents, afirmèt quitament que “l’idèa de francés de soca es una realitat, lo començament d’una reconquèsta. Es ora de dire «alta»”.
 
La manifestacion foguèt autorizada per la prefectura del departament d’Erau.
 
A qualques cent mètres pus luènh, desseparats per un cordon de policièrs CRS, lo collectiu d’antifaissistas del departament d’Erau distribusissiá als passants de tractes d’oposicion a la manifestacion xenofòba.
 
 
De manifestacions antirefugiats en Euròpa
 
Pegida (acronim en alemand de Patriòtas Europèus contra l’Islamizacion de l’Occident) convocava aquesta dimenjada passada de manifestacions similaras pertot en Euròpa. Jos lo lèma “Fortalesa Euròpa”, de grops ultradrechistas manifestèron tanben a Varsòvia, Bratislava, Drèsda, Tallinn e Amsterdam. Refusavan l’arribada dels refugiats provenent de païses de tradicion musulmana.
 
La manifestacion mai nombrosa se debanèt a Drèsda (Alemanha), la sedença del movement islamofòb, e amassèt aperaquí 8000 personas, çò es,  la mitat dels assistents de las manifestacions passadas segon Reuters. De l’autre costat d’Èlba, la contramanifestacion antifaissista amassèt aperaquí 10 000 assistents.
 
 
Vint detenguts a Calais dont un èx-general
 
A Calais la manifestacion xenofòba s’acabèt amb un vintenat de detenguts a causa de violéncias. Demièg los arrestats i a un èx-general de l’armada francesa amb de joves ultradrechistas “portaires d’armas contondentas, d’armas blancas o de tasèrs”, çò precisèt la prefectura.
 
La cap provençala del Front Nacional, Marion Marechal Le Pen, manifestèt sus Twitter sa solidaritat amb l’èx-militar arrestat.








publicitat
BANER1-2-3: DGPL DICTADES



Comentaris

10 de febrièr 10.52h

Son acostumats a seguir los Alemands ....


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

9 de febrièr 21.51h

La milicia faisista francesa que anet a lutar amb los nazis alemans,vet açí.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

9 de febrièr 16.23h

De mei, 200 manifestants qu'ei vint còps mensh que la manif' Anem Òc... segon la polícia!


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

8 de febrièr 22.09h

Dos cents arganhòls per bracejar d'aire amb idèas de las bufècas, dins una ciutat de mièg milion d'estajants ? Non me fan páur, me fan pietat.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

8 de febrièr 19.04h

Quanta vergonha lo clapàs !!! Aquò marca MAU


Valoriza aqueste comentari:   votar positiu 10   votar negatiu 1
Respondre comentari replica Comentari inadeqüat   Formulari d'abús de comentari

8 de febrièr 16.19h

Qu'èi començat per espiar la fotò abans de léger lo tèxte... Que m'a calut un moment tà realisar que n'avè pas arren a véder dab un concèrt de Nadau!


Valoriza aqueste comentari:   votar positiu 12   votar negatiu 3
Respondre comentari replica Comentari inadeqüat   Formulari d'abús de comentari

8 de febrièr 11.27h

Èx-general sonat Piquemal, nom d'Arieja...
L'alienacion occitana... desintegrada dins lo francisme?


Valoriza aqueste comentari:   votar positiu 11   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 10
  • sol Aush 8
  • sol Bordèu 10
  • sol Briançon 6
  • sol Caors 10
  • sol Carcassona 8
  • sol Clarmont-Ferrand 9
  • sol Confolent 7
  • sol Gap 4
  • sol La Canau 10
  • sol La Gàrdia 16
  • sol Limòtges 10
  • sol Lo Borg Sant Dalmatz 10
  • sol Lo Puèi de Velai 8
  • sol Marselha 10
  • sol Montpelhièr 9
  • sol Naut Aran 6
  • sol Niça 13
  • sol Nimes 9
  • sol Pau 10
  • sol Peireguers 10
  • sol Rodés 9
  • sol Tolon 11
  • sol Tolosa 9
  • sol Valença 7

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Laurenç Revèst

    Via de Buelh a Pèunas a Valberg fins a Sant Laugier

  • © Celèsta Toion

    La plaja espaci de libertat? D'expression?

  • © Marion Quenut

    Jornada de protèsta contra lo barratge del Testet, a Sivens

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Menton, 'a vivaroalpenca maritima

  • © Celèsta Toion

    La plaja espaci de libertat? D'expression?

  • País de Rasés. © Franc Bardòu

    País de Rasés

  • Concèrt del 20n anniversari de Gric de Prat

  • © Laurenç Revèst

    Las Cevènas, Barjac en Val de Cese

  • Agaits occitans sus Barcelona. © Franc Bardòu

    Agaits occitans sus Barcelona

  • Zep Armentano

    25au Corsa Aran per sa Lengua

  • Julien Cazenave

    17.02.2019: manifestacion a Brussèlas en sosten als independentistas catalans

  • País de Rasés. © Franc Bardòu

    País de Rasés

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Franc Bardòu

    Coserans al còr

  • Nhèu d'abriu en Aran. © Xavi Gutiérrez Riu

    Nhèu d'abriu en Aran

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Nimes e preséncia d'occitan

  • Sud Tolosan. © Franc Bardòu

    Concors d'estiu 2012: La fotografia de las vacanças

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)