Bandièra01 1180x150: Comuna de Tolosa

Actualitats

Internacional

Eleccions territorialas en Corsega: lo sobeiranisme s’impausa al segond torn

L’illa es ara un país engatjat sul camin de son emancipacion

| AFP / PASCAL POCHARD CASABIANCA
Lo sobeiranisme s’es impausat al segond torn de las eleccions còrsas provocadas per la fusion de las institucions territorialas e departamentalas. La lista Pè a Corsica, conducha per Gilles Simeoni, a ganhat amb mai del 56% dels sufragis, a una longa distància de la drecha regionalista de Jean-Martin Mondoloni qu’a obtengut un pauc mai del 18% dels vòtes. De soslinhar la bassa participacion, del 52,6%, e tanben lo resultat d’Aiacciu, ont lo nacionalisme còrs es normalament feble, mas ont Pè a Corsica a obtengut un 54% dels vòtes. Corsega es ara un país engatjat sul camin de son emancipacion.
 
Après conéisser las primièras estimacions de l’escrutini, Simeoni mostrèt sa satisfaccion e mercegèt los ciutadans de lor supòrt. En mai d’aquò, festegèt la victòria amb los militants e simpatizants qu’avián presas las carrièras per celebrar la victòria de la coalicion autonomista e independentista.
 
 
 
 
 
 


abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Una gran victòria democràtica del poble cors davant la dictadura ferrea de l'estat Francaise. Visca la libertat del Poble Cors. Urrà ! Urrà ! Urrà !

  • 1
  • 0
Pirolet
1.

Sembla qu'en França, la presidéncia d'un partit ("Republicans") compta mai que l'eleccion d'una assamblèa e d'un executiu. Avètz vis l'òrdre dins las "infòs".
E es pas çò piéger, que n'anam ausir de colhonadas o de messorgas (l'un o l'autre, depen de cal las ditz). Coma son desconsolats de la clara victòria nacionalista, quitaran pas de nos parlar de l'abstencion sens dire que:
-doas de las listas del primièr torn èran pas representadas, e vistas las diferéncias amb los que demoravan (al mens per la lista d'esquèrra que deu comptar un bon punhat de nacionalistas franceses, disi de jacobins), per una part de lors electors, perqué anar votar?
-lo marrit temps: seriá per d'eleccions "nacionalas" ne farián una excusa de las gròssas per amagar la vergonha del discredit de la democràcia francesa, mas essent los còrses se sap plan qu'a pas d'excusas sus aquel sicut aquel pòble de pastres!
Un còp plan pensat, corregissi: ne parlaran un pauc d'aquelas eleccions puèi aplicaran la politica de l'estruç, de parlar pas de çò qu'agrada pas. L'omertà, qué! Es pas còrsa, es parisenca! (e que los amics parisencs me desencusen: sabon plan çò que vòli dire amb aquel adjectiu).

  • 18
  • 0

Escriu un comentari sus aqueste article