CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 25 d'agost

Actualitats

Dimècres, 4 d'abril de 2018, 03h00 Economia,Societat

Guiana > Peiregòrd > Brageiragués

Aimet, lo pichon vilatge peiregòrd que creis gràcias al Brexit

Demest sos 2600 abitants, 400 son de ciutadans britanics que crenhon que lo Brexit afècte lors pensions quand seràn retirats


Comentaris 8 comentaris    
Marrit Flac Bon Plan bon Fabulós (5 vòtes)
carregant En cargar


E mai s’es en Brageiragués, lo pichon vilatge d’Aimet evòca lo Reialme Unit. Lo bar , los salons de tè e sas botigas an d’especialitats anglesas e i a quitament un club de cricket.  Demest sos 2600 abitants, 400 son de ciutadans britanics que crenhon que lo Brexit afècte lors pensions quand seràn retirats, e s’i crompan un ostal, s’i installan e s’i fan enregistrar.
 
Segon lo jornal The Guardian, l’agéncia immobilièra Eleonor d’aquel polit vilatge peiregòrd atenguèt en febrièr passat lo 30% de sos objectius de vendas d’ostals per 2018. “Es una foliá”, çò ditz al jornal britanic Terrie Simpson, que quitèt lo Reialme Unit fa 16 ans per viure a Aimet. “Es una pura foliá. Son venguts de mond que nos an dich literalament: «Serem aicí una setmana e abans de partir volèm crompar un ostal». Vòlon reglar lors papièrs e èsser recensats per poder demandar la residéncia. Senton que corron contra lo temps. I a una data limit”. E mai se Simpson se sent “desolat” pel Brexit, reconeis qu’al nivèl professional es una reüssida. “Avèm dobèrt tres burèus nòus a Brageirac aqueste mes passat. E la dimenjada passada vendèrem tres ostals. Vertadièrament, me pòdi pas plànher”.
 
En fàcia de l’ agéncia Eleonor, de l’autre costat de la plaça, se tròba l’agéncia immobilièra Guyenne, que rapòrta la meteissa istòria. “Arriban de mond amb l’argent comptant, lèstes per crompar. Lo nivèl d’interès sus la zòna a pojat saique del 20%. Normalament, d’ivèrn tot es fòrça tranquil e, per Calendas, barram tres setmanas per vacanças. Mas ongan avèm sonque fach tres jorns de comjat”, çò ditz Tom Campbell, originari de Sussex. Segon el, “totes los britanics qu’an un còp somiat de s’establir sul continent se despachan e pensan «S’o fau pas ara, o farai pas jamai», o almens lor serà pus malaisit”.
 
 
Que se passarà amb lors pensions?
 
Un dels chepics que preocupan los ciutadans britanics es que las pensions contunhen de se devaluar. Segon un testimoniatge citat per The Guardian, “de mond de mai de 70 ans accèptan ara d’emplecs per pagar lors despensas jornalièras”. An tanben paur que desaparesca la cobertura sanitària dels ciutadans britanics que demòran fòra del país.
 
De son costat, Mathilde Bache, una femna peiregòrda mariada amb un anglés que demòra a Aimet dempuèi 30 ans, es fustibulada. “La societat a de problèmas fòrça pus grèus que lo Brexit”, çò ditz. “Almens aicí, es un problèma dels rics. Mentretant, a Brageirac, i a de personas que dormisson dins lor veitura. La vertat es que me’n chauti del Brexit”.




abonar los amics de Jornalet
 



publicitat
BANER1-2-3: DGPL TRADUCTOR



Comentaris

6 d'abril 20.57h

#6  Ara es scientificament provat al ponch de ne preocupar grevament lo govern actual : mai avem d'engleses que s'installan dins lo Miegjorn, e mai l'usatge de l'occitan parlat poja. Espantant, non ? Cossi s'explica aquel miracla que balha de las tressusors a la macronalha ? E ben i-a un tipe que s'empega al Casa' sus la planeta Mars que sembla aver trobat. Digatz-li pas que ne dobtatz prigondament, passariatz per un gros missantas plen de prejujats infondats !!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

6 d'abril 16.15h

#3 Mas plan segur, es plan conegut, tè ! Dempuèi que la toristalha englesa, parisenca, belga, englesa e olandesa torna compra a tibladas lo pais nòstre, la practica de l'occitan se n'es trobada reviscolada ! Una renaissènça de pas creire ! E pensar lo contrari seria a còp segur faire pròva de marrida fe e de prejujalhas infondadas, eh ? Tss...


Valoriza aqueste comentari:   votar positiu 19   votar negatiu 0
Respondre comentari replica Comentari inadeqüat   Formulari d'abús de comentari

5 d'abril 20.45h

#4
Òc, èi coneishut un Anglés de Monestier qu'utilisèva de mòts coma ''vime''.


Valoriza aqueste comentari:   votar positiu 1   votar negatiu 10
Respondre comentari replica Comentari inadeqüat   Formulari d'abús de comentari

5 d'abril 17.36h

#4 Pas un prejutjat, l'òme, una constatacion fondada, emai plan fondada, per qual sap agachar dempuèi quauquas decenias l'implantacion englèsa en Occitània. D'en primièr es pas en païs occitan que venan, mas "al solèlh" e dins un endrech ont lo prètz dels ostals es melhor mercat qu'en Englatèrra. Qu'aquel luòc de residència se sona "France" es per eles de pauc d'importència. Idem pels franceses que se compran d'ostals al Marruèc en Taïlanda o al Portugal. "Es al solelh e còsta ... Legir mai


Valoriza aqueste comentari:   votar positiu 30   votar negatiu 0
Respondre comentari replica Comentari inadeqüat   Formulari d'abús de comentari

4 d'abril 19.26h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 7   votar negatiu 33
Respondre comentari replica Comentari inadeqüat   Formulari d'abús de comentari

4 d'abril 19.23h

Lo contengut d'aqueste comentari es amagat perque los legeires l'an considerat inapropriat
Mòstra-lo


Valoriza aqueste comentari:   votar positiu 12   votar negatiu 38
Respondre comentari replica Comentari inadeqüat   Formulari d'abús de comentari

4 d'abril 13.08h

#1 Avetz rason. Emai que dins una amira parisenca siague pas politicament correcte d'o dire, Occitania tota es sotmesa a una implacabla colonizacion de poblament. D'intermitenta fa 40 ans e denonciada alara per l'escriveire e menaire politic occitan Ives Roqueta, que parlava del pais convertit en "bronza-cuol" , es venguda perena e de massa. Pusleu francimanda dins las vilas e pusleu germano-olando-englesa dins las campanhas. Oficialament i-a pas de colonizacion francimanda, que sem totes franc... Legir mai


Valoriza aqueste comentari:   votar positiu 24   votar negatiu 0
Respondre comentari replica Comentari inadeqüat   Formulari d'abús de comentari

4 d'abril 08.36h

La colonizacion d'Occitania se contunha a tota zuerta. Quand es facha per d'engleses, d'olandeses, d'alemans..eca..la desoccitanizacion s'accelera encara mai. I a vertadierament pas de que se regausir d'aquesta colonizacion "made in Europe."


Valoriza aqueste comentari:   votar positiu 26   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

La banalizacion del faissisme

Avètz entendut de paraulas coma “islamoesquerrista” o “totalitarisme verd”? O encara que se ditz “assistits” als paures e “assistanat” al sistèma ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

“Dins l'espaci occitan, l'escaufament es ben en camin”

Thierry Offre actor culturau de l’occitan e escriveire, mai pereu climatològ

“Dins l'espaci occitan, l'escaufament es ben en camin”
giny

giny

publicitat

lateral 2 teveoc

Fotografias

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Menton, 'a vivaroalpenca maritima

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • Minecraft en version occitana

  • © Laurenç Revèst

    Dau castèu de Grimaud

  • © Franc Bardòu

    Tresaurs andorrans

  • © Franc Bardòu

    País Bordalés

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Coserans al còr

  • © Aure Séguier

    Carnaval Biarnés 2017

  • © Laurenç Revèst

    Dau castèu de Grimaud

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • País de Rasés. © Franc Bardòu

    País de Rasés

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Franc Bardòu

    Darrièr refugi abans l’envòl (1206-2016)

  • © Franc Bardòu

    Tèrra albigesa

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Magalí Barceló

    Santa Gabèla: quatrena fèsta del fogal rural La Gabèla

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

T’inquieta la situacion politica en Itàlia?


0%



100%



0%



0%



0%




Vots 1 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)