CAPÇALERA2: FAI-TE SOCI

Jornalet, gaseta occitana d'informacions

Dijòus, 21 de junh

Actualitats

Dimècres, 25 de genièr de 2017, 03h00 Politica,Internacional

Catalonha a l’Union Europèa: “Euròpa deu far partida de la solucion”

Lo govèrn de Catalonha expliquèt aqueste dimars lo referendum independentista al Parlament Europèu


Comentaris 9 comentaris    
Marrit Flac Bon Plan bon Fabulós (11 vòtes)
carregant En cargar


Los tres representants màgers del govèrn de la Generalitat de Catalonha expliquèron ièr de ser lo referendum d’independéncia al Parlament Europèu a Brussèlas. Lo president, Carles Puigdemont, lo vicepresident, Oriol Junqueras, e lo conselhièr dels afars exteriors, Raül Romeva, assolidèron davant una sala comola qu’en Catalonha i aviá una majoritat sociala e politica que voliá aquel referendum, e mai se l’estat espanhòl refusava de negociar.
 
La conferéncia prenguèt una importància encara pus granda après l’ensag de boicòt del Partit Popular espanhòl, que son pòrtavotz dins l’èurocambra mandèt una lètra a totes los parlamentaris del Partit Popular Europèu en suplicant qu’ i assistiguèsson pas.
 
A la meteissa ora lo nòu cap del Parlament Europèu, lo popular Antonio Tajani, aviá organizat una recepcion dels ambaissadors, mas aquò portèt pas brica tòrt a la presentacion catalana.
 
La sala, amb 350 sètis, aculhissiá un fum de mond quitament dreches que recebèron los politicians catalans amb una fòrta ovacion. Demest los assistents i aviá d’eurodeputats de divèrses partits, de “think tanks”, de politicians internacionals e un grop nombrós de jornalistas.
 
 
“Euròpa se pòt pas permetre de desvirar lo regard”
 
Puigdemont, que faguèt son discors basicament en anglés e francés, afirmèt que Catalonha fariá son referendum de valor constrenhenta “al pus tard en setembre de 2017”, en tot argumentar que “l’80% dels catalans son favorables a la tenguda d’un referendum”, una demanda que lo Parlament espanhòl “refusèt en qualquas oras” e “denhèt quitament pas estudiar”.
 
“Çò qu’es en jòc es pas l’independéncia mas la democracia, e concernís pas solament los que sèm partisans d’un estat pròpri, mas totes los que cresèm a la libertat. Es un problèma europèu. E Euròpa se pòt pas permetre de desvirar lo regard, ela deu far partida de la solucion”, çò diguèt.
 
A respècte del refús de l’estat espanhòl, lo president manifestèt son desir de lo pachar amb las autoritats espanhòlas: “O preferissèm aital, mas s’o podèm pas, declaram que l’organizarem totun”, çò diguèt en apondent qu’“es pas possible que s’impause l’intransigéncia”.

Lo president mençonèt l'occitan coma una de las lengas oficialas de Catalonha e Aran.
 
 
“De politicas mai justas e eficaças”
 
Junqueras parlèt de l’economia. Dins un discors en castelhan e anglés lo vicepresident e conselhièr de l’economia remembrèt qualques injustícias de l’economia espanhòla amb Catalonha e Aran e argumentèt que l’independéncia deviá servir per far de politicas mai justas e eficaças.
 
“Çò que volèm es votar e decidir amb nòstres vòtes qual es lo nòstre avenir e contribuir amb nòstra responsabilitat a bastir una Euròpa e una comunautat internacionala fòrça melhoras”, çò apondèt.
 
 
“La credibilitat d’Euròpa es en jòc”
 
Dins son torn, Romeva insistiguèt en anglés, que “lo crèdit d’Euròpa es en jòc”. Lo conselhièr dels afars exteriors soslinhèt que lo plan dels catalans passava per “las urnas, los vòtes, la democracia” e reclamèt qu’Euròpa foguèsse a la nautor de la democracia.
 
“Catalonha es totjorn estada europèa e europeïsta, e o serà totjorn. Uèi Euròpa pòt pas barrar los uèlhs a aquela realitat, son crèdit es en jòc. Per aquò Euròpa a una espròva tanben en Catalonha, perque Euròpa deurà decidir e pòt pas mancar la democracia.”
 
En mai d’aquò, Romeva remembrèt las manifestacions pacificas e multitudinàrias de las darrièras annadas e remarquèt qu’èran anats en Euròpa per presentar lors arguments en persona: “Sèm pas venguts aicí per exigir ni reclamar. Sèm venguts nos explicar, per presentar nòstres arguments. E per o far sens intermediaris, sens distorsions.” 
 



abonar los amics de Jornalet



publicitat



Comentaris

30 de genièr 10.35h

Núria, no t'enganyis, espanya es un estat, al que per desgràcia pertanyem, però es això només una entitat burocràtico-administrativa, mai es, ha sigut, o serà una nació, sinó fixat amb Castella.
Això que prediques, son tics falangistes, evoluciona! I pensa com una persona, i dona't conte de saber quin es el teu Pais, no el que et diuen de madrit.
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de genièr 14.22h

Catalunya és i serà sempre part d'Espanya, no tots els catalans volem sortir d'Espanya, SOM CATALANS I ESPANYOLS.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

28 de genièr 11.35h

Bé, no tot, però ja ho saben, ara no podran dir que no ho sabien.
Com ens faixin com Bòsnia!
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

27 de genièr 23.26h

Romeva ireclamèt qu’Euròpa foguèsse a la nautor de la democracia ? Aqueste ciutadan me sembla fòrça utopista. O alara, vivèm pas dins la meteissa Euròpa. Fa plan longtemps que la mieuna a quitat d'èsser una democracia… Quina que sián las politicas causidas electoralament pels pòbles d'Euròpa; sempre nos i es impausada la meteissa puta de politica rigorista de dreita, de grat o de fòrça. E aquò non es una democracia.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

27 de genièr 21.13h

#3 Devètz èsser d'aqueles "botiflers" qu'aun tan paur del "colonialisme" de Barcelona que vos sacatz pès e mans ligats jol jòu (e las sagetas?) de Madrid. Viscan als Maulets!


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

26 de genièr 21.00h

La question es pausada a l'UE! Interessanta question pausada a l'UE ? Que la responsa o la non responsa va nos pausar a nosautres , occitans una brava question , que risca fòrt de nos sortir del raisve.
Anèm enfin saupre se l'UE es una molonàs d'estat otanisats e fargada per servir de primièra linha , dins la guèrra propdana ambe Russia, jos lo comandament US e contròltle germanic . O se coma d'unes o volon creire , dins lo mitan occitan , UE es una mena de parapluèja pels pòble... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

26 de genièr 00.42h

Puigdemont ditz en Brusselles qu'aurà referendum davant a pena una desena de eurodiputados (de lo diari ABC)

Se pòt considerar qu'es l'escasença qu'es estat en el mai evidenta lo fracàs de l'assag de las dirigentas independentistas de catalans per trasladar las siás revindicacions a l'espaci europèu. Ièr lo president de la Generalitat, Carles Puigdemont, venguèt en el dins una sala del Parlament europèu convidat per tres eurodiputados catalans favorables a las siás tèsis, mas li re... Legir mai


Valoriza aqueste comentari:   votar positiu 0   votar negatiu 8
Respondre comentari replica Comentari inadeqüat   Formulari d'abús de comentari

25 de genièr 22.00h

Un acte molt important per la independència. Europa se'n pot pas rentar las mans coma Pilats, cal que defense a Catalunya amb sos drets nacionals representats en la Carta dels Drets Humans de las Nacions Unidas.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

25 de genièr 21.31h

Ailàs, i aviá pas una puta de deputat de França !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Lo freg e lo caud

Aquesta setmana l'actualitat bofa lo freg e lo caud sus la lenga occitana. D'un caire, una joventa aranesa a passat lo primièr examen preüniversitari de l'istòria en occitan, ...
giny

Lo temps

Mapa
  • sol Agen 30 16
  • sol Aush 29 18
  • sol Bordèu 31 14
  • sol Briançon 24 11
  • sol Caors 31 15
  • sol Carcassona 28 18
  • sol Clarmont-Ferrand 27 10
  • sol Confolent 28 11
  • sol Gap 30 17
  • sol La Canau 31 14
  • nuvols_parcials La Gàrdia 24 16
  • nuvols_parcials La Torre de Pèlitz 29 19
  • sol Limòtges 28 11
  • sol Lo Borg Sant Dalmatz 31 19
  • sol Lo Puèi de Velai 25 9
  • sol Marselha 33 19
  • sol Montpelhièr 27 20
  • nuvols Naut Aran 25 16
  • sol Niça 18 12
  • sol Nimes 33 19
  • nuvols Pau 27 17
  • sol Peireguers 29 12
  • sol Rodés 30 16
  • sol Tolon 31 20
  • sol Tolosa 31 19
  • sol Valença 24 9

giny

giny

giny

publicitat

lateral 2 teveoc

Entrevista

publicitat

LATERAL2 300X250: CAOC



publicitat

lateral 2 teveoc

Fotografias

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Catalonha etèrna

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Menton, 'a vivaroalpenca maritima

  • Bordèu. © Magalí Blénet

    L'occitan per carrièras (concors de prima 2014)

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • © Laurenç Revèst

    Lo Grau dau Rei (Camarga)

  • © Chau Viva

    Qualques salas de classa d'occitan en collègi

  • © Laurenç Revèst

    Menton, 'a vivaroalpenca maritima

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Bordèu, bèla occitana de Gasconha. © Franc Bardòu

    Bordèu, bèla occitana de Gasconha

  • © Franc Bardòu

    Asuèlhs Bigordans

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Líusola (Comtat de Niça). © Laurenç Revèst

    Líusola (Comtat de Niça)

  • © Laurenç Revèst

    Menton, 'a vivaroalpenca maritima

  • © Aure Séguier

    Carnaval Biarnés 2017

  • © Celèsta Toion

    La plaja espaci de libertat? D'expression?

giny

Vidèos

Las mai...

publicitat

LATERAL2 300X250: CAOC

giny

Sondatge

Cal revendicar lo drech de passar los examens escolars en occitan?


78%



9%



11%



2%




Vots 92 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)