CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 18 d'agost

Actualitats

Divendres, 4 de mai de 2018, 03h00 Politica

Es nascut un nòu movement politic occitan d’esquèrra independentista

Espelida lo primièr de mai passat, l'Organizacion Democratica del Pòble Occitan prepausa la reoccitanizacion de tota la nacion e son independéncia dins una republica federala socialista


Comentaris 25 comentaris    
Marrit Flac Bon Plan bon Fabulós (17 vòtes)
carregant En cargar


Nòs





Etiquetas
odpo

Lo primièr de mai passat, nasquèt un nòu movement politic occitan independentista e d’esquèrra. S’agís de l’Organizacion Democratica del Pòble Occitan (ÒDPO), un movement que revendica l’independéncia d’Occitània e lo socialisme, la reünificacion del país e sa reoccitanizacion. Dins son primièr comunicat, publicat sus son sit web e dins lo jornal Nòs, l’ÒDPO revendica un estat independent per Occitània amb un sistèma socialista, mentre que se bat per la reünificacion dels occitans dels estats francés, espanhòl e italian. Per ansin, convidan los compatriòtas de la Val d’Aran e de las Valadas a jónher l’organizacion.
 
Quant a “l’unitat d’Occitània dins sa pluralitat”, l’ÒDPO critica los secessionismes lingüistics que tornan sorgir “en causa de la crisi actuala de l’occitanisme”. Dins aquel sens, revendican l’unitat de la lenga occitana dins sa diversitat dialectala, del temps que defendon un movement unit qu’emergisca de la basa e siá pas concentrat. 
 
 
Reoccitanizacion
 
Dins son primièr comunicat, l’ÒDPO explica l’istòria d’Occitània dempuèi lo començament de sa conquèsta fa 800 ans, e situa sa lucha “ contra la politica de desrasigament, de dominacion e d’assimilacion que los estats conquestaires an planificada”. S’alçan doncas “contra l’etnocidi de la comunautat occitanofòna” e tanben “contra la desaparicion sistematica de l’occitan”. Per tant, militan “per la reoccitanizacion de l’Occitània entièra per que nòstre pòble siá tornarmai liure e conscient”.
 
 
Reviscolar la lenga
 
En respècte de la recuperacion de l’occitan, l’ÒDPO prepausa de politicas de mobilizacion de las massas a l’entorn de la lenga e de la cultura. Aquò concernís l’obligatorietat de l’occitan a l’escòla, l’encoratjament a la creacion en occitan e la “renacionalizacion dels patronims, dels noms de vilas e de luòcs”.
 
Tanben prepausan l’oficializacion de las lengas dels pòbles sens estat coma las lengas dels ròms, l’amazigh e quitament lo peitavin-santongés. E mai, preveson de politicas culturalas en favor de las minoritats nacionalas del país coma la josieva, la portuguesa o las sortidas de las èx-colònias francesas.
 
 
Republica populara, ecologista e feminista
 
Quant al programa politic, l’ÒDPO prepausa un republica federala e socialista jos la forma d’una democracia populara dins un sistèma d’assembladas. Prepausan la collectivizacion de las grandas proprietats e lo desmantelament dels grands monopòlis coma Dassault, Carrefour, Renault, Danone, Total o Areva.
 
Tanben prepausan una reorientacion de l’agricultura devèrs una produccion de proximitat e sana, e d’una produccion ecologica “en armonia amb la biosfèra”. Quant a l’animalisme, creson que cal “reconsiderar lor plaça” e l’aument dels dreches dels animals, e mai vòlon una “regulacion e reduccion de la produccion de carn, lo desvolopament de l’elevatge extensiu e la reduccion de l’elevatge intensiu. A prepaus de la lucha per l’environament, son per l’enebicion de la fracturacion idraulica.
 
Enfin, la republica occitana que la prepausa la nòva organizacion es, de segur, feminista. Dins aquel sens, prepausan lo comjat remunerat per maternitat o paternitat, la lucha contra las violéncias masclistas e una mobilizacion per l’educacion antisexista dels òmes e de las femnas. Tanben militan pel respècte e per l’afirmacion dels dreches LGTBI, e luchan contra l’omofobia e la transfobia.

 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

2 de decembre 16.48h

Existís encara en 2018 de gents que vòlon una "Republica populara" e socialista...? E be putan... siam pas luònh de Stalin e de Mao. Paura Occitània, sensa ges d'autra solucion que, d'un costat, l'esquèrra la pus extrèma e la pus desgostanta, e d'un autre costat, la mòrt de sa lenga... fai besonh un pauc de pluralitat en Occitània, i a pas que la "gaucha" qu'existís...


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

10 de junh 21.43h

independéncia libertat justicia por occitania, 1218 simon de montfort a utilise l épée et il a périt par l épée justicia occitania


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

9 de mai 15.20h

Aquò's de normalizacion ! Los franceses an ben LO e lo NPA pels tròtskistes, "En Marche" e los "Republicains" per la dreta, lo P"S" e "Generations" pels "socialistes" etc...alavètz perqué pas Libertat e l'ODPO pels revolucionaris occitans ? ;) lo POC e un PSO per los socialistes occitans....Me trufavi segur que n'avèm pas mestier de tot aquò, mes l'avenidor descantarà tot aquò e ne sortirà ben quicòm perqué n'avèm besonh. Personalament me sembla que 2 movements occitanistas sufirian... Legir mai


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

7 de mai 08.47h

L'occitanisme politique, le monde entier nous l'envie.

Heureusement que le ridicule ne tue pas, sinon quelle hécatombe en Occitanie.


Valoriza aqueste comentari:   votar positiu 4   votar negatiu 9
Respondre comentari replica Comentari inadeqüat   Formulari d'abús de comentari

5 de mai 14.03h

la causa bona d'internet qu'ei de permeter totas las putariàs possible! En veden un bon exemple aqui.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 de mai 11.37h

#17
Qu'at sèi. Que s'apèra lo sindròme de Stockholm.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 de mai 11.31h

Please call me for funding, I don't mind you are de gauche


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

5 de mai 11.23h

Idealament qu'avem bastit ua occitania independenta, sociala se pas socialista, etc...mes cu a creat aqueth novèu partit, on son eths noms? e on ? cu nos diserà que no ei ua proclamacion-incantacion de mes, sense que deguns sia estat informat de quala amassada que sia, un gadgèt per ambiciosi que saben amaga's e enganar eths que les escotarian ?


Valoriza aqueste comentari:   votar positiu 6   votar negatiu 2
Respondre comentari replica Comentari inadeqüat   Formulari d'abús de comentari

5 de mai 07.45h

#16 N'ei pas Lo sol de l'ex neo Libertat a militar plan com cau a la FI.....


Valoriza aqueste comentari:   votar positiu 3   votar negatiu 10
Respondre comentari replica Comentari inadeqüat   Formulari d'abús de comentari

4 de mai 23.16h

#11
Aaaaaaaaaaamen!

Que soi existencialista. Que pensi qu'èm non pas çò qu'èm estats mes çò que vadem. E adara lo Alan qu'ei vadut un suportaire de Melenchon, qu'ei a díser d'un nacionalista franchimand qu'ei tostemps estat opausat aus drets linguistics, culturaus e politics de las culturas regionaus de França. Un tipe que defen ua ideologia, lo jacobinisme unitari francés, contra la quau lo Alan e's pelejava a l'epòca d'Anaram...

Que soi mei interessat, e diserí preocupat, per ... Legir mai


Valoriza aqueste comentari:   votar positiu 5   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Asalaís Moniguet

    Montpelhièr la lengadociana

  • Zep Armentano

    25au Corsa Aran per sa Lengua

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • País de Rasés. © Franc Bardòu

    País de Rasés

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Franc Bardòu

    Coserans al còr

  • Omenatge a Aragon. © Franc Bardòu

    Omenatge a Aragon

  • Agaits occitans sus Barcelona. © Franc Bardòu

    Agaits occitans sus Barcelona

  • © Franc Bardòu

    País Bordalés

  • Musèu de Terra Mata, Niça, mai anciana traça de fuec au monde

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Franc Bardòu

    Coserans al còr

  • © Laurenç Revèst

    Menton, 'a vivaroalpenca maritima

  • Fèsta occitana a Barcelona, a l'ocasion del cinquen anniversari de Jornalet

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Autariba (Lauragués). © Caminòc

    18a Dictada Occitana

  • Estivada 2013. © Guillem Sevilla

    Estivada 2013

  • Omenatge a Aragon. © Franc Bardòu

    Omenatge a Aragon

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


38%



54%



8%



0%




Vots 37 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)