Actualitats
Bert e Ernie èran un parelh
"Pensi qu'auriái solament sauput escriure sus eles en pensant qu'èran un parelh amorós. Cossí poiriá èsser d'autre biais?", çò ditz lo scenarista sus la revista Qwerty.com
Bert e Ernie, los celèbres personatges dels Muppets, coneguts en França coma Ernest e Bart e en Catalonha coma Epi e Blai, formavan un parelh. Atal o reconeguèt a la revista Qwerty.com Martk Saltzman, que foguèt lo scenarista de las situacions viscudas per aquelas doas marionetas pendent mai de quinze ans.
Pendent fòrça annadas s’es especulat s'aqueles personatges avián una relacion d'amor omosexual e ara Saltzman ven de o confirmar. "Pensi qu'auriái solament sauput escriure sus eles rn pensant qu'èran un parelh amorós. Cossí poiriá èsser d'autre biais?", çò ditz lo scenarista que precisa que dins sa vida aviá una relacion similara. Saltzman comencèt de trabalhar a Sesame Street al mièg dels ans 1980. En aquel temps el aviá una relacion amb Arnold Glassman, que durèt fins a sa mòrt. A l'epòca, los amics del parelh los nomenavan Bert e Ernie.
The New Yorker o aviá confirmat
En 2013, la revista The New Yorker publiquèt sus sa primièra pagina un imatge dels dos personatges abraçats per illustrar la decision de la justícia que permetiá los maridatges omosexuals.
Sesame street o aviá refusat
La version oficiala dels productors de Sesame Street refusèt aquela idèa en 2011. L'ostal de produccion respondèt a una campanha sus Internet que demandava que se faguèsse publica l'omosexualitat de Bert e d'Ernie en assegurant qu’èran sonque d'amics qu'avián pas cap d'orientacion sexuala particulara.
De fach, Ernie e Bert foguèron concebuts per Jim Henson e Frank Oz e apareguèron pel primièr còp a la television en 1969. Los creators dels personatges manipulavan las marionetas e segon eles, los personatges rebatián la relacion d'amistat que Henson e Oz entretenián dins la vida reala.
L'emission, doblada en espanhòl, se poguèt veire suls televisors d'Aran l'an 1976 e puèi entre 1979 e 1980. Pus tard s'emetèt en catalan en 1996 e en 2014. En Occitània Granda, l'emission doblada en francés apareguèt en 1974 jos la forma d'una sequéncia entitolada Bonjour Sésame difusada al sen de L'Île aux enfants. Puèi s'emetèt jol nom d'1, rue Sésame entre 1978 e 1982 sus TF1, de 1992 enlà sus France 3 e de 2005 enlà sus France 5.
Pendent fòrça annadas s’es especulat s'aqueles personatges avián una relacion d'amor omosexual e ara Saltzman ven de o confirmar. "Pensi qu'auriái solament sauput escriure sus eles rn pensant qu'èran un parelh amorós. Cossí poiriá èsser d'autre biais?", çò ditz lo scenarista que precisa que dins sa vida aviá una relacion similara. Saltzman comencèt de trabalhar a Sesame Street al mièg dels ans 1980. En aquel temps el aviá una relacion amb Arnold Glassman, que durèt fins a sa mòrt. A l'epòca, los amics del parelh los nomenavan Bert e Ernie.
The New Yorker o aviá confirmat
En 2013, la revista The New Yorker publiquèt sus sa primièra pagina un imatge dels dos personatges abraçats per illustrar la decision de la justícia que permetiá los maridatges omosexuals.
Sesame street o aviá refusat
La version oficiala dels productors de Sesame Street refusèt aquela idèa en 2011. L'ostal de produccion respondèt a una campanha sus Internet que demandava que se faguèsse publica l'omosexualitat de Bert e d'Ernie en assegurant qu’èran sonque d'amics qu'avián pas cap d'orientacion sexuala particulara.
De fach, Ernie e Bert foguèron concebuts per Jim Henson e Frank Oz e apareguèron pel primièr còp a la television en 1969. Los creators dels personatges manipulavan las marionetas e segon eles, los personatges rebatián la relacion d'amistat que Henson e Oz entretenián dins la vida reala.
L'emission, doblada en espanhòl, se poguèt veire suls televisors d'Aran l'an 1976 e puèi entre 1979 e 1980. Pus tard s'emetèt en catalan en 1996 e en 2014. En Occitània Granda, l'emission doblada en francés apareguèt en 1974 jos la forma d'una sequéncia entitolada Bonjour Sésame difusada al sen de L'Île aux enfants. Puèi s'emetèt jol nom d'1, rue Sésame entre 1978 e 1982 sus TF1, de 1992 enlà sus France 3 e de 2005 enlà sus France 5.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los rohingyas e los oigors que son victimas de netejatge etnic, los ciutadans negues deus Estats Units que’s hèn assassinar per la polícia dinc au lor salon peu sol crimi de víver en tot estar negues, i a un destimborlat senil a la Casa Blanca, lo cèrc arctic que brutla mentre qui lo metan deus perhons oceanics e hè susfàcia, la sheisau màger escantida deu vivent qu’ei aviada, mes tot lo monde que’s demanda de quin cap e tiran duas marioletas de perec.
Dromiatz plan, brave monde.
E lo Macaron, lo mostre que manjava los pastissons en bramar, n'èra tanben ? : https://www.youtube.com/watch?v=4wDq8wa0ai8
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari