CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Dissabte, 27 d'octòbre de 2018, 03h00 Cultura,Internacional,Lenga

An remés lo 5n prèmi Robèrt Lafont a Georg Kremnitz

La ministra catalana de la cultura, Laura Borràs, remembrèt que l’occitan es “l’autra lenga pròpria de Catalonha” e “es amb aquel esperit de libertat que s’es creat lo prèmi Robèrt Lafont”


Comentaris Un comentari    
Marrit Flac Bon Plan bon Fabulós (7 vòtes)
carregant En cargar


la directritz generala de la Politica Lingüistica, Ester Franquesa e la conselhièra de la cultura de la Generalitat de Catalonha, Laura Borràs an liurat lo guierdon a Gerorg Kremnitz

Kremnitz es professor retirat de filologia romanica a l’Universitat de Viena e a consagrat sa vida a l’estudi e la promocion de la lenga occitana

L’eveniment comptèt tanben amb l’intervencion de la cantadora aranesa Alidé Sans

D'esquèrra a drecha: Xavier Moral, Ester Franquesa, Georg Kremnitz, Jusèp Loís Sans, Jèp de Montoya





Etiquetas
kremnitz, prèmi robèrt lafont

Lo lingüista alemand, Georg Kremnitz, es guierdonat del 5n prèmi Robèrt Lafont que l’autreja la Generalitat de Catalonha. Lo prèmi reconeis de personas que se son distinguidas per la defensa, la projeccion e la promocion de la lenga occitana. La remesa del guierdon se faguèt dimars passat al Teatre Nacional de Catalonha, dins una ceremònia conjoncha amb los prèmis Pompeu Fabra. L’eveniment lo presidiguèt la ministra de la cultura de la Generalitat de Catalonha, Laura Borràs.
 
 
Defensa de las lengas pròprias
 
Durant la gala, Borràs remarquèt que la lenga es “un esplech de coesion sociala, d’inclusion, de cultura, de bastiment democratic, de debat , de creacion literària, de comèrci, d’enrasigament e de dobertura a l’encòp, de progrès, de comunicacion, de trabalh, d’amor, de pensada, de dialòg e de Republica”. Recordèt tanben que lo catalan es una lenga “fièra de viure e de partejar lo país amb mai de 300 lengas vengudas de pertot” e que la diversitat lingüistica “nos agrada perque nos fa venir pus rics”.
 
A respècte de l’occitan, Borràs ramentèt qu’es lenga oficiala dins tot lo Principat dempuèi 2006, qu’es “l’autra lenga pròpria de Catalonha” e qu’“es amb aquel esperit de libertat e, a l’encòp, de defensa arcarnassida de [lors] doas lengas pròprias que fa ara dètz ans lo govèrn catalan [aviá creat] lo prèmi Robèrt Lafont”.
 
L’eveniment, conjonch amb la setena edicion dels prèmis Pompeu Fabra, commemorava ongan los 150 ans de la naissença del gramatician catalan e lo 100n anniversari de la publicacion de sa Gramatica Catalana.
 
A l’eveniment intervenguèt tanben la cantadoira aranesa Alidé Sans qu’interpretèt sa cançon Eth riu.
 
 
Una vida consagrada a l’estudi e la promocion de l’occitan
 
Kremnitz es professor retirat de filologia romanica a l’Universitat de Viena e a consagrat sa vida a l’estudi e la promocion de la lenga occitana. La jurada del prèmi a soslinhat “son especiala devocion a la recèrca istorica e sociolingüistica de la lenga occitana, que compren tot son airal lingüistic, e tanben sa participacion a d’iniciativas d’encoratjament e projeccion de l’occitan, mai que mai dins l’encastre academic e universitari, mas tanben dins los encastres associatiu e de dinamizacion lingüistica”. Foguèt president de l’Associacion Internacionala d’Estudis Occitans (AIEO) entre 1993 e 2005, fa partida de l’Associacion dels Romanistas Alemands, es membre correspondent de l’Institut d’Estudis Catalans dempuèi 2014 e es tanben sòci del Felibritge.
 
Demest sas òbras podèm soslinhar Versuche zur Kodifierung des Okzitanischen (Ensag de codificacion de l’occitan) en 1974, Das Okzitanische (L’occitan) en 1981, Histoire sociale des langues de France (Istòria sociala de las lengas de França) en 2013, Frankreichs Sprachen (Lengas de França) en 2015, e Katalanische und okzitanische Renaissance. Ein Vergleich von 1800 bis heute (Renaissença catalana e occitana. Una comparason de 1800 fins a uèi) en 2016.
 
 
Distinguir la defensa, la projeccion e la promocion de l’occitan
 
Lo prèmi Robèrt Lafont, instituit per la Generalitat de Catalonha en 2010, a per tòca de reconéisser de personas o d’entitats que se sián distinguidas per la defensa, la projeccion e la promocion de la lenga occitana. Ongan es la cinquena edicion del prèmi. Los laureats de las autras annadas son estats Pèire Bèc, Felip Gardy, Jacme Taupiac e la Fondacion Musèu Etnologic de la Val d’Aran.
 
La jurada de l’edicion 2018 a comprés la directritz generala de la Politica Lingüistica, Ester Franquesa; lo director dels Servicis Territorials de la Cultura a Lhèida, Josep Borrell; lo Sindic d’Aran, Carlos Barrera; lo president de l’Institut d’Estudis Araneses-Acadèmia Aranesa de la Lenga occitana, Jusèp Loís Sans; e lo responsable de l’encoratjament de l’occitan a la Direccion Generala de la Politica Lingüistica, Xavier Moral.



 
 

 
 
 




abonar los amics de Jornalet
 



publicitat
BANER1-2-3: DGPL AN LAFONT



Comentaris

27 d'octòbre 13.20h

Rescontrèri lo professor Kremnitz al congrès de l'AEIO d'Albi e de Lhèida. Es, a mon vejaire, un fòrça grand erudit e un catalanista e occitanista de tria. Me congòsti que siá guierdonat per la Generalitat de Catalonha.


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 13
  • sol Aush 12
  • sol Bordèu 14
  • sol Briançon 10
  • sol Caors 13
  • sol Carcassona 14
  • sol Clarmont-Ferrand 10
  • sol Confolent 10
  • sol Gap 9
  • sol La Canau 15
  • sol La Gàrdia 19
  • sol Limòtges 11
  • sol Lo Borg Sant Dalmatz 14
  • sol Lo Puèi de Velai 8
  • sol Marselha 16
  • sol Montpelhièr 16
  • sol Naut Aran 11
  • sol Niça 17
  • sol Nimes 15
  • sol Pau 13
  • sol Peireguers 13
  • sol Rodés 13
  • sol Tolon 15
  • sol Tolosa 13
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Franc Bardòu

    Tresaurs andorrans

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Tèrra albigesa

  • © Laurenç Revèst

    Bessas (Bas Vivarés)

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Menton, 'a vivaroalpenca maritima

  • De baishada. © Xavi Gutiérrez Riu

    Prumèra nheuada dera sason ena Val d'Aran

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Niça vièlha en occitan niçard. © LR

    Niça vièlha en occitan niçard

  • © Aure Séguier

    Carnaval Biarnés 2017

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • Occitan e economia: "occitanitat mai o mens visibla"

  • © Marion Quenut

    Jornada de protèsta contra lo barratge del Testet, a Sivens

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Fèsta occitana a Barcelona, a l'ocasion del cinquen anniversari de Jornalet

  • © Laurenç Revèst

    Besièrs, preséncia d'occitan en ciutat e CIRDOC

  • © Franc Bardòu

    Asuèlhs de Lauragués

  • © Aure Séguier

    Carnaval Biarnés 2017

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)