Actualitats
Nimes: l’Universitat Occitana d’Estiu se consagra ongan a la libertat e la diversitat
Del 6 al 10 de julhet se prepausa de conferéncias, de taulas redondas, d’obradors... e tanben de concèrts e d’espectacles. Ràdio Lenga d’Òc emetrà sus plaça
Dempuèi mai de quaranta ans se ten a Nimes l’Universitat Occitana d’Estiu, un rendètz-vos estival a l’entorn de l’actualitat dels sabers, del debat d’idèas e del rencontre cultural. Ongan, l’eveniment aurà luòc del 6 al 10 de julhet e serà consagrat a “la libertat e la diversitat”.
L’organizacion prepausa ongan un programa de tria. Los participants i poiràn descobrir lo filme Shens papèrs, seguit d’un escambi entre lo realizaire Philippe Espinasse, l’actritz e cantaira Fabienne Vayrette e l’activista Véronique Fiol; lo responsable del desvolopament de l’occitan de la Generalitat de Catalonha, Xavier Moral, farà una conferéncia sus las politicas lingüisticas de Catalonha envèrs la lenga occitana; se rendrà omenatge a Robèrt Lafont, dètz ans après son decès e se farà d’obradors de cants assegurats per Arnaud Cance. De soslinhar la mesa en plaça d’un platèu de Ràdio Lenga d’Òc qu’emetrà en directe de l’eveniment estant, los cabarets literaris e los concèrts de tria amb Arnaud Cance, Duo Caleu, Cylsée e Muriel Batbie-Castel.
L’Universitat Occitana d’Estiu de Nimes es organizada per la Maison per l’Animacion e la Recèrca Populara d’Occitània (MARPÒC) que fa partida de l’IEO de Gard. Ten lo sosten del CIRDÒC.
Lo programa complet es sus la pagina d’acuèlh de la MARPÒC. Per mai d’informacions, inscripcions e reservacions d’albergament, podètz telefonar al 04 66 76 19 09 o escriure a marpoc2@wanado...
L’organizacion prepausa ongan un programa de tria. Los participants i poiràn descobrir lo filme Shens papèrs, seguit d’un escambi entre lo realizaire Philippe Espinasse, l’actritz e cantaira Fabienne Vayrette e l’activista Véronique Fiol; lo responsable del desvolopament de l’occitan de la Generalitat de Catalonha, Xavier Moral, farà una conferéncia sus las politicas lingüisticas de Catalonha envèrs la lenga occitana; se rendrà omenatge a Robèrt Lafont, dètz ans après son decès e se farà d’obradors de cants assegurats per Arnaud Cance. De soslinhar la mesa en plaça d’un platèu de Ràdio Lenga d’Òc qu’emetrà en directe de l’eveniment estant, los cabarets literaris e los concèrts de tria amb Arnaud Cance, Duo Caleu, Cylsée e Muriel Batbie-Castel.
L’Universitat Occitana d’Estiu de Nimes es organizada per la Maison per l’Animacion e la Recèrca Populara d’Occitània (MARPÒC) que fa partida de l’IEO de Gard. Ten lo sosten del CIRDÒC.
Lo programa complet es sus la pagina d’acuèlh de la MARPÒC. Per mai d’informacions, inscripcions e reservacions d’albergament, podètz telefonar al 04 66 76 19 09 o escriure a marpoc2@wanado...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari