Actualitats
Primièra reünion bilaterala entre los govèrns d’Espanha e de Catalonha
Per començar los dos costats an reconegut que lo conflicte ten una “natura politica” e que “requerís una solucion politica”
Lo govèrn de l’estat espanhòl e lo de la Generalitat de Catalonha s’amassèron ièr pel primièr còp amb la tòca de resòlver lo conflicte politic. Après una reünion de tres oras pachèron que s’amassarián un còp per mes alternativament a Madrid e Barcelona per començar de parlar d’”elements concrets”.
Lo president de la Generalitat, Quim Torra, avalorèt la primièra reünion coma “leiala”, mas remarquèt qu’aviá pas obtengut cap de responsa sus la demanda del drech d’autodeterminacion e l’amnestia dels presonièrs politics. “Demoram sens saber la responsa del govèrn espanhòl al conflicte politic”, çò diguèt.
De son costat, la pòrtavotz del govèrn espanhòl assegurèt que s’èra pausat “las basas d’una nòva estapa” e soslinhèt que se metiá fin a una estapa sens dialòg entre los dos govèrns. A mai, afirmèt que lo govèrn espanhòl s’engatjava a sonhar las “nafraduras” entre Catalonha e Espanha. Enfin,la pòrtavotz afirmèt que lo president del govèrn espanhòl, Pedro Sánchez, aviá dich a Torra que l’autodeterminacion èra pas possibla.
Just après la reünion, los dos govèrns publiquèron un comunicat conjonch ont constatavan que la reünion aviá servit per “pausar las basas del dialòg” e per “constatar la natura politica del conflicte” que “requerís una solucion politica”.
Lo president de la Generalitat, Quim Torra, avalorèt la primièra reünion coma “leiala”, mas remarquèt qu’aviá pas obtengut cap de responsa sus la demanda del drech d’autodeterminacion e l’amnestia dels presonièrs politics. “Demoram sens saber la responsa del govèrn espanhòl al conflicte politic”, çò diguèt.
De son costat, la pòrtavotz del govèrn espanhòl assegurèt que s’èra pausat “las basas d’una nòva estapa” e soslinhèt que se metiá fin a una estapa sens dialòg entre los dos govèrns. A mai, afirmèt que lo govèrn espanhòl s’engatjava a sonhar las “nafraduras” entre Catalonha e Espanha. Enfin,la pòrtavotz afirmèt que lo president del govèrn espanhòl, Pedro Sánchez, aviá dich a Torra que l’autodeterminacion èra pas possibla.
Just après la reünion, los dos govèrns publiquèron un comunicat conjonch ont constatavan que la reünion aviá servit per “pausar las basas del dialòg” e per “constatar la natura politica del conflicte” que “requerís una solucion politica”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se van reünir un còp al mes. I a pas res sus la taula. Fins ont recularà ERC qu'a enviat Torra dins aquesta trapèla?
Mercè a ERC s'a pogut començar amb lo dialeg, Torra curiosament arribet tart . Junts per Catalunya pensa posar totas las travas perquè vagi malament. Demana las duas causas que Pedro no li pot donar: Amnistia e lo referemdum. Lo Govern de Pedro pot indultar als presos, mas per l' Amnistia s'auria de far una lei al Parlament que sembla molt dificil que se puga aprovar. Avui Junts per Catalunya a protestat per ERC aver se astengut en la votacion d'aprovacion dels presuposts, Rufian los a respost que ERC complia amb los acords.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari