Bandièra01 capçalera  1180x150: Novestivada

Actualitats

De ciutadans mexicans blòcan l’intrada d’estatsunidencs a causa del coronavirus

Los manifestants exigiguèron que se restrenguèsse l’intrada d’estatsunidencs que van en Mexic per far de crompas de panica

La crisi sanitària que sèm a viure a causa de la pandemia de Covid-19 nos a portat d’imatges insolits, coma aqueste que se vegèt a la frontièra de Mexic e dels Estats Units lo 25 de març passat a Nogales (Sonora).
 
Un grop de nombroses ciutadans anèron blocar la termièra amb l’estat estatsunidenc d’Arizona per empedir que de ciutadans d'aquel país intrèsson en Mexic. “Demoratz a l’ostal”, çò disián los manifestants, que portavan de mascas qu’exigissián lo barrament de la frontièra, çò raportava El Diario de Sonora.
 
Los manifestants exigiguèron del president de Mexic, Andrés Manuel López Obrador, que restrenguèsse l’intrada dels ciutadans estatsunidencs que venon en Mexic per far de torisme, per crompar de potingas o de noiriduras. D’efièch, fòrça ciutadans estatsunidencs se son gandits en Mexic per far de crompas de panica davant la penúria dels supermercats e de las farmacias dels Estats Units. Coma en cò nòstre, lo mond crompèron compulsivament d’aiga, de papièr igienic, de pastas, de manjar en boita, de desinfectant de las mans...
 
“Es pas possible que travèrsen de ciutadans estatsunidencs, de compatriòtas; que son nòstra familha, son de fraires, mas malastrosament dins qualques estats d’aquel país creis enòrmament aquesta pandemia”, çò declarava un pòrtavotz de la protèsta al jornal adès mençonat.
 
 
 
   

 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Bloody border…

  • 1
  • 0

Escriu un comentari sus aqueste article