Actualitats
Las grandas fortunas netejan lor imatge gràcias al coronavirus
Un rapòrt de Reporterre detalha “aqueles milhardaris qu’enfilan “lors vestits d’eròis per ajudar los servicis publics a luchar contra la pandemia”
La crisi sanitària que sèm a patir a permés a las grandas fortunas de redaurar lor imatge a còps de dons de milions d’èuros, de mascas e de gèls idroalcolics. Un reportatge de Reporterre detalha aqueles miliardaris qu’enfilan “lors vestits d’eròis per ajudar als servicis publics a luchar contra la pandemia. De filantròps tanben coneguts per lors estrategias d’evitament de l’impòst, responsables en partida de la degradacion actuala del sistèma de santat”.
Lo reportatge detalha coma aquelas grandas fortunas an profechat de l’escasença, mai que mai las francesas coma LVHM, proprietat de Bernard Arnault, que faguèt un don de gèl idroalcolic a las autoritats sanitàrias francesas; o coma la banca Crèdit Agricòla venguda un provesidor de mascas o encara un avion mercand afretat pel grop Bolloré.
Lo reportatge tanben mençona, demest d’autres, lo grop Kering, dels fraires Pinault, que donèt dètz milions d’èuros als espitals italians o lo grop BNP-Paribas que provesiguèt d’un milion de mascas los espitals parisencs e d’un milion d’èuros l’institut Pasteur per l’ajudar a trobar un vaccin.
D’ajustar Chanel e son don d’1,2 milion d’èuros a divèrsas institucions sanitàrias e encara Total qu’an donat 50 milions d’èuros de carburant al personal espitalièr. La societat telefonica Bouygues a liurat un milion de mascas, Sanofir es lèst per ofrir de Plaquenil —la potinga que conten la renomenada idroxicloroquina—, L’Oréal a lançat un “plan solidari europèu coronavirus” e la Societat Generala amb un programa de solidaritat de 50 milions d’èuros.
Reporterre analisa tota aquesta èrsa de caritat interessada, mascada de solidaritat. Entre d’autres exemples soslinha la mobilizacion del personal espitalièr de Lesinhan (Corbièras) qu’exprimiguèt sa colèra en qualificant de “vergonha” las cridas als dons, en citant los 100 miliards d’evasion fiscala que registra l’estat francés cada an, la baissa de l’impòst sus las grandas fortunas... vejatz la pagina Facebook de la seccion CNT de l’espital de las Corbièras.
Lo reportatge detalha coma aquelas grandas fortunas an profechat de l’escasença, mai que mai las francesas coma LVHM, proprietat de Bernard Arnault, que faguèt un don de gèl idroalcolic a las autoritats sanitàrias francesas; o coma la banca Crèdit Agricòla venguda un provesidor de mascas o encara un avion mercand afretat pel grop Bolloré.
Lo reportatge tanben mençona, demest d’autres, lo grop Kering, dels fraires Pinault, que donèt dètz milions d’èuros als espitals italians o lo grop BNP-Paribas que provesiguèt d’un milion de mascas los espitals parisencs e d’un milion d’èuros l’institut Pasteur per l’ajudar a trobar un vaccin.
D’ajustar Chanel e son don d’1,2 milion d’èuros a divèrsas institucions sanitàrias e encara Total qu’an donat 50 milions d’èuros de carburant al personal espitalièr. La societat telefonica Bouygues a liurat un milion de mascas, Sanofir es lèst per ofrir de Plaquenil —la potinga que conten la renomenada idroxicloroquina—, L’Oréal a lançat un “plan solidari europèu coronavirus” e la Societat Generala amb un programa de solidaritat de 50 milions d’èuros.
Reporterre analisa tota aquesta èrsa de caritat interessada, mascada de solidaritat. Entre d’autres exemples soslinha la mobilizacion del personal espitalièr de Lesinhan (Corbièras) qu’exprimiguèt sa colèra en qualificant de “vergonha” las cridas als dons, en citant los 100 miliards d’evasion fiscala que registra l’estat francés cada an, la baissa de l’impòst sus las grandas fortunas... vejatz la pagina Facebook de la seccion CNT de l’espital de las Corbièras.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E los rics quan passi tot aissò seran mai rics.
Ja que lo nòstre govern fa pas res, es aisit de passar per generòs amb qualques milions d'euros quand sèm miliardaris. Mas serà pas brica sufisent. Cal requisicionar de milierats d'entrepresas per fabricar en preissa de mascas e de tèsts per totes, de remèdis e los equipaments necessaris dins los espitals.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari