Bandièra01 1180x150: La Passem

Actualitats

InternacionalPoliticaSocietat

Decès de Lucio Urtubia, lo Robin Hood anarquista

En exili a París, l’activista basco aviá finançat un fum de movements revolucionaris gràcias a sas contrafaiçons

| Iñigo Uriz / Foku / Naiz
L’istoric militant anarquista basco, Lucio Urtubia, nos quitèt dissabte passat a l’edat d’89 ans a París ont se trobava en exili dempuèi 1954. Aquí trabalhèt coma maçon e difusèt sas idèas anarquistas. “Sèm de maçons, de pintres, d’electricians... avèm pas besonh de l’estat en res; se lo caumatge e la marginalizacion creèsson de revolucionaris, los govèrns aurián mes lo ponch final al caumatge e la marginalizacion”, çò diguèt.
 
En França, Urtubia aguèt de ligams amb los joves libertaris de la Federacion Anarquista, situada a París, que li ensenhèron lo francés. Aguèt tanben de relacions estrechas amb André Breton e amb Albert Camus. Dins son ostal parisenc visquèt refugiat fins a sa mòrt lo maquisard antifranquista catalan Quico Sabaté.
 
Es considerat coma una mena de Robin Hood e cal dire que sas peripècias son estadas contadas pels mèdias, dins de libres, documentaris, reportatges e quitament una pèça de teatre e una benda dessenhada.
 
Èra un grand falsari e atal faguèt de falses documents per ajudar de nombroses guerrilhièrs e exiliats. Dins los ans 1960 comencèt sas activitats de falsificator de moneda en finançant de grops anarquistas de tota la planeta del temps que cercava de destabilizar lo sistèma capitalista.
 
Saique son accion subversiva pus importanta foguèt la contrafaiçon de chècs de viatges de la banca estatsunidenca First National City Bank (actualament Citibank) dins la fin dels ans 1970. Realizèt 8000 fuèlhs de 25 chècs de 100 dolars cadun; al total, 20 milions de dolars que provoquèron una fòrta casuda borsièra de la banca. Amb aquest argent financèt diferents movements guerrilhièrs de l’America Latina coma los tupamaros e los montoneros. Los jornals espanhòls l’apelavan “lo bon bandit” o “lo Zorro basco”.
 
Foguèt jutjat e condemnat a sièis meses de preson. Una pena pichona que se retirèt après que son avocat e la banca que l’acusava foguèron arribats a un acòrdi extrajudiciari: la banca levèt sa denóncia e Urtubia lor liurèt las placas d’impression.


 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo fabre
6.

#4 Crei pas que gaudisson d'una autonomia totala los basques, i parlem pas d'independencia .
I mai crei i voli l'independencia dels pobles soi pas d'accord amb ETA , cal pas tot mesclar, es pas ETA qu'ha fet avançar las coisas mas la voluntat d'un poble.
I mai crei que de mond coma l'amic Lucio son pas de meissanta gent mas que se son enganats . I encara crei que los esquerristas de l'época han sigut mai que mai manipulats per los governs de frança ,italia i mai. Fins i tot l'han pas fach la revolucion , lo mon es marrit , la sevas acciones an pas servit de res i an tuat de mond, pas totes de fascistas, sens pensar gaire.
Pasa lo mateis ambe accion directa , battisti i altres . Son pas cap d'erois , an pas fait res que justificar la terror i la repression.

  • 5
  • 9
glück
5.

L'occitanisme es pacific. Res justifica pas de far lo laus d'una persona violenta dins un jornal occitan.

  • 5
  • 17
Black Blòc Joe
4.

#1 Òu, lo Fabre, as vist çò qu'an patit e que patisson encara los Catalans d'al sud de las Albèras, despuèi 10 ans ? Plan segur Lucio Urtubia a finançat la ETA ? E alara ? Los Baques gaudisson ara d'una autonomia totala, e non an cap de besonh de manifestar per l'obténer.

Los Catalans, eles o an tot complit segon la lei, la democracia e lo dreit internacional, sense ETA criminala per los i ajudar, plan segur. Aquò es bèl e nòble, exemplar, e aquí subre, son plan los fraires dels Occitans. Mas… son preisonièrs politics d'un govèrnament criptofranquista que los a complètament alienats a l'ora d'ara. Los Basques, eles, non pas mai aqueste problèma !

Quin problèma ?

Lo problèma en question, es que França e Espanha non entendon e non respècton que la fòrça e la violéncia. Per se'n convéncer, basta de fintar un pauc del costat dels metòdis de manten de l'òrdre. Tanplan es aital amb la borgesiá, tre que s'agís de tocar a la proprietat dels mejans de produccion. E pensar la resisténcia sense pensar a aqueste problèma non fa gaire avançar las causas… A tòrt o a rason, semblariá ben que Lucio Urtubia i aguèsse pensat, el.

E quand sabèm que son las banvcas internacionalas que tuan los foncionament democratic mondial jos la pression neoliberala mondializada, l'idèa de veire panat de monenda per finançar la liberacions dels pòbles me sembla, a ieu,, al mens aitant democratic e lieal coma de mandar las gents votar per se chautar cap e tot del resultat dels escrutins quand s'agís de decidir en poltica financièra…

  • 14
  • 4
Batko
3.

#2 Se pòt pas comparar la situacion dambe la d'America deu Sud de l'epòca. Se balhas un peish a un òme, le va minjar, es plan, mes se l'ajudas a's liberar, es milhor. Sembla una parodia de la Bíblia, mes es vertat. A l"epòca e acerà, sufisèva pas una peticion per levar l'injustícia violenta deus poders.

  • 14
  • 4
lo fabre
2.

He legit las memorias d'aquest' home. Falsificava de cheques per poder donar d'argent a diversas bandas armadas ,entre elas ETA, IRA, FARC ,etc . Aprèp crompavan d'armas amb l'argent , pas de pan pel poble. Es pas un Robin Wood , a las mas tacadas de sang aquest'home!

  • 7
  • 19

Escriu un comentari sus aqueste article