Bandièra01 1180x150: Comuna de Tolosa

Actualitats

Internacional

Ongria: denóncian la repression del govèrn contra los mèdias critics

De manifestacions e demissions de jornalistas après la destitucion del cap-redactor d’Index

Almens 80 jornalistas an demissionat e de milièrs an manifestat en Ongria contra la repression del govèrn del país devèrs los jornals critics
Almens 80 jornalistas an demissionat e de milièrs an manifestat en Ongria contra la repression del govèrn del país devèrs los jornals critics | Bernadett Szabo / Reuters
Almens 80 jornalistas an demissionat e de milièrs an manifestat en Ongria contra la repression del govèrn del país envèrs los jornals critics. Las protèstas seguisson la destitucion de Szabolcs Dull, cap-redactor del jornal en linha Index, que segon los emplegats del quotidian s’es passada a causa de pressions. Lo quite Dull aviá avertit fa mens d’un mes que la libertat editoriala perilhava e que la nòva direccion del quotidian rendiá impossibla l’independéncia del mèdia. De remarcar qu’en març passat un entrepreneire pròche del primièr ministre, Viktor Orbán, crompèt la mitat de las accions d’aquel jornal.
 
Index es lo jornal en linha lo mai legit d’Ongria (environ dos milions de legeires per jorn) e èra considerat coma un dels pauques mèdias critics envèrs lo govèrn d’Orbán.
 
Divèrsas organizacions internacionalas coma Human Right Watch an denonciat que los mèdias publics ongreses son venguts d’organs de propaganda del poder. De son caire, lo ministre ongrés dels afars estrangièrs assegura que i a pas cap de lei qu’empedisca la libertat de premsa. Mas si qu’o fa la nòva Lei del Coronavirus.
 
 
La Lei del Coronavirus
 
Lo retorn al poder de l’ultradrechista Viktor Orbán, après sa reeleccion en 2018, a portat en aqueste país de l’UE una limitacion de l’independéncia de la justícia e dels mèdias e un retorn a çò que lor dison “las valors crestianas e tradicionalas”. Ara, Orbán a profechat de la crisi sanitària per far una nòva lei dicha del coronavirus que li permet indefinidament de suspendre las leis que vòlga e de blocar la difusion d’informacions. A mai, la nòva lei prevei de penas de cinc ans de preson pels contravenents.

 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ultravomit
2.

#1 Vòtan per l'ultradrecha (coma diguètz) simplament perqué vòlon pas finir dins la meteissa mèrda que lo rèsta de l'Euròpa. Monte es lo problèma ? Mai çò qu'ignòran, es que totei lei govèrns son merdics e nos van pas sortir dei problèmas que nos pertòcan, eh eh eheheh.

  • 1
  • 14
Franc Bardòu
1.

Vòtan majoritàriament per l'ultradreita, puèi se venon plànher d'èsser dirigits per d'ultradreitistas, es aquò ?

  • 11
  • 2

Escriu un comentari sus aqueste article