L’associacion Euskal Moneta a convocat per dissabte 26 de genièr l’Assemblada Generala de lançament de l’eusko, la nòva moneda locala del Bascoat. L’assemblada se debanarà al centre Lapurdi d’Ustarits (Bascoat) de 09h30 a 12h30, aurà caractèr public e totòm i es convidat. Mièja ora abans, a 09h00, se dobrirà lo relambi d’inscripcion per totas las personas que i vòlgan participar e sián pas encara membres de l’associacion.
La còla que gerís aquela iniciativa es formada per Adrien Kempf (copresident), Dante Edme-Sanjurjo (copresident), Txetx Etcheverry (clavaire), Mendi Esteban (coclavaira), Benoît Egloff (secretari), Barthélémy Camedescasse e Xabi Camino. Sus lor sit web, explican los objectius del projècte: dispausar d’una aisina que favorisca una economia mai respectuosa amb las personas e l’environament, favorir los escambis locals, desvolopar la solidaritat, impulsar l’usatge de la lenga basca e sosténer los projèctes locals d’interès comunautari, entre d’autres. Al delà, declaran que l’usatge d’una moneda basca contribuirà a enfortir l’identitat basca e l’enrasigament al territòri.
Los nòus bilhets d’euskos se presentèron en conferéncia de premsa dimars passat, 15 de genièr, a las Cornièras de Baiona (Bas Ador). Los bilhets son concebuts a partir de fotografias de Bob Edme e de dessenhs de Ramuntxo Partarrieu; mòstran sus un costat de luòcs emblematics e sus l’autre d’activitats economicas e culturalas del Bascoat Nòrd.
I a cinc classas de bilhets: d’1, 2, 5, 10 e 20 euskos, que se pòdon escambiar per d’èuros amb valor d’1 per 1. Los bilhets son protegits contra las falsificacions amb cinc sistèmas de seguretat desparièrs (qu’un d’eles es secret), e semblables als que protegisson los bilhets d’èuros.
Euskal Moneta gerís totas las decisions relativas a la moneda nòva e a l’abilitacion de las estructuras e ressorsas umanas necessàrias per menar endavant l’iniciativa. L’associacion espèra que l’usatge de l’eusko s’implantarà progressivament e que las entrepresas e los particulars seràn de mai en mai interessats per l’emplegar dins lo circuit del comèrci local.
Josèp M. Milla
La còla que gerís aquela iniciativa es formada per Adrien Kempf (copresident), Dante Edme-Sanjurjo (copresident), Txetx Etcheverry (clavaire), Mendi Esteban (coclavaira), Benoît Egloff (secretari), Barthélémy Camedescasse e Xabi Camino. Sus lor sit web, explican los objectius del projècte: dispausar d’una aisina que favorisca una economia mai respectuosa amb las personas e l’environament, favorir los escambis locals, desvolopar la solidaritat, impulsar l’usatge de la lenga basca e sosténer los projèctes locals d’interès comunautari, entre d’autres. Al delà, declaran que l’usatge d’una moneda basca contribuirà a enfortir l’identitat basca e l’enrasigament al territòri.
Los nòus bilhets d’euskos se presentèron en conferéncia de premsa dimars passat, 15 de genièr, a las Cornièras de Baiona (Bas Ador). Los bilhets son concebuts a partir de fotografias de Bob Edme e de dessenhs de Ramuntxo Partarrieu; mòstran sus un costat de luòcs emblematics e sus l’autre d’activitats economicas e culturalas del Bascoat Nòrd.
I a cinc classas de bilhets: d’1, 2, 5, 10 e 20 euskos, que se pòdon escambiar per d’èuros amb valor d’1 per 1. Los bilhets son protegits contra las falsificacions amb cinc sistèmas de seguretat desparièrs (qu’un d’eles es secret), e semblables als que protegisson los bilhets d’èuros.
Euskal Moneta gerís totas las decisions relativas a la moneda nòva e a l’abilitacion de las estructuras e ressorsas umanas necessàrias per menar endavant l’iniciativa. L’associacion espèra que l’usatge de l’eusko s’implantarà progressivament e que las entrepresas e los particulars seràn de mai en mai interessats per l’emplegar dins lo circuit del comèrci local.
Josèp M. Milla
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari