Actualitats
Yoko Ono, Dilma Rousseff, Joan Baez e cinc prèmis Nobel de la patz demandan l’amnestia dels independentistas catalans
Una cinquantena de personalitats internacionalas an signat un manifèst que demanda l’amnestia dels presonièrs, dels exiliats e dels represalhats e que los catalans pòscan decidir lor avenir
Una cinquantena de personalitats internacionalas an signat un manifèst que demanda l’amnestia pels independentistas catalans en preson, en exili o represalhats, çò rapòrtan The Guardian, The Washington Post e la majoritat de mèdias catalans.
Lo manifèst, publicat aqueste diluns 4 de genièr, es entitolat “Dialòg per Catalonha, per la fin de la repression, l’amnestia dels represalhats e lo drech dels catalans a decidir lor avenir politic”. Demest los signataris se tròba l’èx-presidenta de Brasil Dilma Rousseff, la cantadora Yoko Ono, lo politician irlandés Gearóid Mac Ádhaimh (Gerry Adams), l’activista chinés en exili Ai Weiewei, la laureata del prèmi Nobel de Literatura Elfriede Jelinek e quatre ganhaires del Nobel de la Patz: l’avocata iraniana Shirin Ebadi, lo pacifista argentin Adolfo Pérez Esquivel, l’activista estatsunidenca pels dreches civils Jody Williams e la pacifista irlandesa Mairead Corrigan.
Tanben l’an signat de presonièrs e de represalhats politics d’endacòm mai coma Osman Kavala, Joshua Wong e Can Dundar; la fondadora de las Maires de la Plaza de Mayo, Mirta Baravalle; l’èx-president eslovèn Milan Kučan; l’ex-cònsol de Genèva Rémy Pagani; la cantadora Joan Baez; lo director de l’Institut Martin Luther King, Clayborn Carson, l’èx-diplomata dels Estats Units Amber Moss; l’escrivan irlandés Colm Toibin e lo portugués António Lobo Antunes.
Lo manifèst es una iniciativa d’Òmnium Civil Rights Europe, qu’es la seccion de Brussèlas de l’assocacion catalana Òmnium Cultural. Los signataris planhon la judicializacion del conflicte politic catalan perque “a portat una repression creissenta mas pas cap de solucion”. A mai, remarcan que l’estat espanhòl a ignorat la demanda del Grop de las Detencions Arbitràrias de l’ÒNU que se libère immediatament los presonièrs politics e que se retire las acusacions contra eles, en defensa de la libertat d’expression e del drech de manifestacion. Dins aquel sens, fan una crida a un dialòg “sens condicions” que “permeta als ciutadans de Catalonha de decidir lor avenir politic”. Es per aquela rason que lo manifèst conclutz en tot assegurar que “la repression deu finir” e que cal “una amnestia per las personas victimas de represalhas”.
Lo manifèst, publicat aqueste diluns 4 de genièr, es entitolat “Dialòg per Catalonha, per la fin de la repression, l’amnestia dels represalhats e lo drech dels catalans a decidir lor avenir politic”. Demest los signataris se tròba l’èx-presidenta de Brasil Dilma Rousseff, la cantadora Yoko Ono, lo politician irlandés Gearóid Mac Ádhaimh (Gerry Adams), l’activista chinés en exili Ai Weiewei, la laureata del prèmi Nobel de Literatura Elfriede Jelinek e quatre ganhaires del Nobel de la Patz: l’avocata iraniana Shirin Ebadi, lo pacifista argentin Adolfo Pérez Esquivel, l’activista estatsunidenca pels dreches civils Jody Williams e la pacifista irlandesa Mairead Corrigan.
Tanben l’an signat de presonièrs e de represalhats politics d’endacòm mai coma Osman Kavala, Joshua Wong e Can Dundar; la fondadora de las Maires de la Plaza de Mayo, Mirta Baravalle; l’èx-president eslovèn Milan Kučan; l’ex-cònsol de Genèva Rémy Pagani; la cantadora Joan Baez; lo director de l’Institut Martin Luther King, Clayborn Carson, l’èx-diplomata dels Estats Units Amber Moss; l’escrivan irlandés Colm Toibin e lo portugués António Lobo Antunes.
Lo manifèst es una iniciativa d’Òmnium Civil Rights Europe, qu’es la seccion de Brussèlas de l’assocacion catalana Òmnium Cultural. Los signataris planhon la judicializacion del conflicte politic catalan perque “a portat una repression creissenta mas pas cap de solucion”. A mai, remarcan que l’estat espanhòl a ignorat la demanda del Grop de las Detencions Arbitràrias de l’ÒNU que se libère immediatament los presonièrs politics e que se retire las acusacions contra eles, en defensa de la libertat d’expression e del drech de manifestacion. Dins aquel sens, fan una crida a un dialòg “sens condicions” que “permeta als ciutadans de Catalonha de decidir lor avenir politic”. Es per aquela rason que lo manifèst conclutz en tot assegurar que “la repression deu finir” e que cal “una amnestia per las personas victimas de represalhas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La justicia permet pas qu'estats qu' es disen democratics vulneren los Drets Humans. Los jutges franquistas del pp solament cresen en la força bruta violant la democràcia, mas internacionalment l'estat espanhol en mans de jutges trogloditas està donant una imatge de país tercermundista.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari