Bandièra01 capçalera  1180x150: Novestivada

Actualitats

Hong Kong: arrèstan 53 opausants

Son acusats d’aver participat a las primàrias del Partit Democrata

L’an a mal començat pels pròdemocracia d’Hong Kong. La polícia arrestèt dimècres passat 53 personas, dont d’elegits de l’oposicion, d’èx-deputats e d’activistas per una violacion sospechada de la polemica lei de seguretat nacionala chinesa que permet de reprimir tota dissidéncia. Los detenguèron per aver participat a las primàrias del Partit Democrata en vista de las eleccions de setembre, que foguèron fin finala reportadas per las autoritats a causa de la pandemia.
 
Aquela operacion contra l’oposicion es la pus massissa dempuèi que la lei intrèt en vigor lo 30 de junh d’arunan. De recordar qu’aquela lei compren de penas de preson fins a la perpetuitat per d’eventuals delictes de secession o de conspiracion amb de fòrças estrangièras.
 
Lo Partit Democrata assegura que la polícia considèra que la campanha democrata per ensajar d’aténher la majoritat absoluda al parlament es “un acte de subversion que viòla la lei de seguretat nacionala”.
 
Demest los detenguts i a los èx-deputats Leung Kwok–Hung, Gary Fan, Lam Cheuk-ting, Chu Hoi–dick, Au Nok–hin, Alvin Yeung, Wu Chi-wai, James Ton e Andrew Wan. Tanben arrestèron l’organizaire de las primàrias, Benny Tai, e encara Robert Chung, director executiu de l’Institut de Recèrca de l’Opinion Publica d’Hong Kong (PORI, segon sa sigla en anglés), una societat que forniguèt la tecnologica necessària als vòtes.
 
 
 
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Ja vos o varem dire amics, lo govern Xinès a acabat la paciencia e pegarà fort. Anatz vius que non i aurà pas independència, lo qu'obtendretz seran garrotadas e presons. Lo ridicul que fa Trumb tanpauc vos ajuda gens.

  • 1
  • 0

Escriu un comentari sus aqueste article